ଭୁବନେଶ୍ୱର : ୬୧ ଦିନ ହେଲା ଲାଗୁ ହୋଇଥିବା କଟକଣା ହଟିଲା। ଆଜିଠୁ ଆରମ୍ଭ ହେଲା ମାଛଧରା । ସେଥିପାଇଁ ରାଜ୍ୟର ସାମୁଦ୍ରିକ ମତ୍ସ୍ୟଜୀବୀମାନେ ଆଜି ଗଭୀର ସମୁଦ୍ରକୁ ଯାତ୍ରା ଆରମ୍ଭ କରିଛନ୍ତି। ସରକାରଙ୍କ କଟକଣା ଯୋଗୁ ମତ୍ସ୍ୟଜୀବୀମାନେ ଦୀର୍ଘ ଦିନ ଧରି ସମୁଦ୍ରକୁ ଯାଇ ନ ପାରି ବସି ରହିଥିଲେ।
ମାତ୍ର କଟକଣା ହଟିବାରୁ ବେଶ୍ ଉତ୍ସାହର ସହ ଆଜି ସେମାନେ ସମୁଦ୍ର ଯାତ୍ରା ଆରମ୍ଭ କରିଛନ୍ତି। ଏଥିସହ ଟ୍ରଲରରେ ଆବଶ୍ୟକ ପରିମାଣର ଡିଜେଲ, ବରଫ, ପିଇବା ପାଣି, ରାସନ ସାମଗ୍ରୀ ପ୍ରଭୃତି ଲଦି ନେଉଛନ୍ତି । ଏପ୍ରିଲ ୧୫ ରୁ ଜୁନ ୧୪ ଯାଏ ମାଛ ନ ଧରିବାକୁ କଟକଣା ଲଗାଇଥିଲେ ସରକାର। ପ୍ରଜନନ ଋତୁରେ ମାଛବଂଶ ବୃଦ୍ଧି ଉଦ୍ଦେଶ୍ୟରେ ଓମ୍ଫ୍ରା ଆଇନ ବଳରେ ଏହି କଟକଣା ଲାଗୁ କରାଯାଇଥିଲା।
