କେନ୍ଦୁଝର : ଗିରଫ ହେଲେ ରାଜା ଚକ୍ର । ବିଜେଡି ନେତା ରାଜା ଚକ୍ରଙ୍କୁ ଗିରଫ କରାଯାଇଛି । ରାଜା ଚକ୍ରଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଟିମ । ପ୍ରେସମିଟରେ କ୍ରାଇମବ୍ରାଞ୍ଚ ଏଡିଜି ସୂଚନା ଦେଇଛନ୍ତି । ରାଜା ଟକ୍ରଙ୍କ ନାଁରେ ୧୪ଟି ମାମଲା ରହିଥିବା ବେଳେ ସେ ତଦନ୍ତରେ ଅସହଜ କରୁଛନ୍ତି ବୋଲି ପୋଲିସ ପକ୍ଷରୁ କୁହାଯାଇଛି । ସବୁ ତଥ୍ୟ ପ୍ରମାଣକୁ ଆଧାର କରି କ୍ରାଇମବ୍ରାଞ୍ଚ ତାଙ୍କୁ ଗିରଫ କରାଯାଇଛି । ତାଙ୍କ ସହେଯାଗୀ ପତ୍ନୀ ମଧ୍ୟ ଟାର୍ଗେଟରେ ରହିଛନ୍ତି । ରାଜାଙ୍କ ନାଁ ଅପରାଧିକ ଶାଖାରେ ଗୋଟିଏ ମାମଲା ସମେତ କେନ୍ଦୁଝର ଜିଲ୍ଲାର ବିଭିନ୍ନ ଥାନାରେ ୨୦୧୨ରୁ ୨୦୨୫ ମସିହା ମଧ୍ୟରେ ୧୪ଟି ମାମଲା ରୁଜୁ ହୋଇଥିଲା । ଏବଂ ତଦନ୍ତରେ ସାମାନ୍ୟ ସହେଯାଗ କରୁନଥିଲେ ।
ଆଶା କରାଯାଉଛି ଯେ ଗିରଫ ପରେ ପୋଲିସ ପକ୍ଷରି ଅନେକ ବିସ୍ଫୋରକ ତଥ୍ୟ ଆହୁରି ମିଳିପାରେ ଏବଂ ରାଜାଙ୍କ ପତ୍ନୀଙ୍କ ଆକାଉଣ୍ଟକୁ ୧ କୋଟି ୫୫ ଲକ୍ଷ ୯୫ ହଜାର ୬୨୫ ଟଙ୍କାର ସନ୍ଦେହ ଜନକ ଟ୍ରାନ୍ସଫର ମଧ୍ୟ ବେଶ ଅଡୁଆ ବଢାଇଛି । ୧୪ଟି ଗାଁରେ ସିଏସଆର ଅର୍ଥକୁ ଖର୍ଚ୍ଚ ନକରି ନିଜେ ଚଳୁ କରି ଦେଇଥିବା ପ୍ରମାଣ ମଧ୍ୟ କେନ୍ଦୁଝର ସଦର ଓ ବାଂଶୁପାଳ ବ୍ଲକର ବିଡିଓ ଙ୍କ ସମେତ ଓଏମସିର ଗନ୍ଧମାର୍ଦ୍ଦମ ଆଞ୍ଚଳିକ କାଯ୍ୟାଳୟର ଲିଖିତ ଭାବେ ଦେଇଛି । କେବଳ ଏତିକି ନୁହେଁ , ଏକାଧିକ ଅଭିଯୋଗ ତାଙ୍କ ନାଁରେ ରହିଛି । ରାଜା ଚକ୍ର ଏବଂ ତାଙ୍କ ସହେଯାଗୀ ମାନେ ଛତ୍ରଛାୟାରେ ରହି ଅନେକ ପ୍ରକାର ଦୁର୍ନୀତି କରୁଥିଲେ ।
