ରାଏବରେଲି : ରାହୁଲ ସବୁବେଳେ ସଠିକ କଥା କୁହନ୍ତି , ସଠିକ କଥା କହିବାରୁ ଅନେକ ଅସୁବିଧାର ସାମ୍ନା କରିବାକୁ ପଡିଛି ତାଙ୍କୁ।’ ଏପରି କହିଛନ୍ତି ଭଉଣୀ ପ୍ରିୟଙ୍କା ଗାନ୍ଧୀ। ଭାଜପା ସରକାର କମ୍ପାନୀଗୁଡ଼ିକୁ ଘରୋଇକରଣ କରୁଛନ୍ତି। ଶିଳ୍ପପତିମାନଙ୍କୁ ଲାଭ ଦେଉଛନ୍ତି। ଧର୍ମ ନାମରେ ଲୋକଙ୍କୁ ବିଭାଜନ କରିବା। ଧର୍ମର ରାଜନୀତି କରିବା ହେଉଛି ଭାଜପା କାମ। ମୁଁ କିଛି ଗ୍ୟାରେଣ୍ଟି ନେଇ ଆସିଛି, ଯାହା ମୁଁ ପୂରଣ କରିବି। ସରକାରୀ ଚାକିରିରେ ମହିଳାମାନେ ୫୦ ପ୍ରତିଶତ ଅଂଶଗ୍ରହଣ କରିବେ। ଅଙ୍ଗନୱାଡି, ରୋଷେଇ ଏବଂ ଆଶା ବାହୁଙ୍କ ସମ୍ମାନ ଦୁଇଗୁଣ ହେବ। କୃଷିରେ ବ୍ୟବହୃତ ସମସ୍ତ ଉତ୍ପାଦ ଜିଏସଟି ମୁକ୍ତ ହେବ। ଋଣ ଛାଡ ପାଇଁ ଏକ ସ୍ଥାୟୀ ଆୟୋଗ ଗଠନ କରାଯିବ।
ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ୍ କରି ସେ କହିଛନ୍ତି, ତାଙ୍କ ଜେଜେମା ଇନ୍ଦିରା ଗାନ୍ଧୀ ଦେଶ ପାଇଁ ଶହୀଦ ହୋଇଥିଲେ। ପିତା ରାଜୀବ ଗାନ୍ଧୀ ଦେଶ ପାଇଁ ଶହୀଦ ହୋଇଥିଲେ, ଯାହାଙ୍କୁ ନରେନ୍ଦ୍ର ମୋଦି ଅପମାନିତ କରିବାକୁ ଚେଷ୍ଟା କରିଛନ୍ତି। ଏହି ସରକାରରେ ଯେତେବେଳେ ମହିଳାମାନଙ୍କୁ ନିର୍ଯାତନା ଦିଆଯାଏ, ସରକାର ଅପରାଧୀଙ୍କୁ ସୁରକ୍ଷା ଦେବା ପାଇଁ କାର୍ଯ୍ୟ କରନ୍ତି। ଉତ୍ତର ପ୍ରଦେଶରରେ ଏକ ଜନସଭାକୁ ସମ୍ବୋଧନ କରିବା ବେଳେ କିଛି ଏମିତି କହିଛନ୍ତି କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ । ଏହି ଅବସରରେ ସେ କହିଛନ୍ତି ଯେ ବର୍ତ୍ତମାନ ଦେଶରେ କେବଳ ଜଣେ ନେତା ଅଛନ୍ତି ଯିଏ ସଠିକ କଥା କୁହନ୍ତି ଏବଂ ସେ ହେଉଛନ୍ତି ମୋର ଭାଇ ରାହୁଲ ଗାନ୍ଧୀ। ସଠିକ କଥା କହିବାରୁ ତାଙ୍କୁ ଅନେକ ବିବାଦର ସାମ୍ନା କରିବାକୁ ପଡିଥିଲା। ଏପରିକି ତାଙ୍କ ଏମ୍ପି ସଦସ୍ୟତା ବାତିଲ ହୋଇଥିଲେ ମଧ୍ୟ ମୋ ଭାଇ ଭୟଭୀତ ହୋଇ ନ ଥିଲେ। ଲୋକଙ୍କ ଦୁଃଖ ଏବଂ ଯନ୍ତ୍ରଣା ବିଷୟରେ ଅତି ନିକଟରୁ ଜାଣିବା ପାଇଁ ସେ ଜମ୍ମୁ କଶ୍ମୀରରୁ କନ୍ୟାକୁମାରୀ ପର୍ଯ୍ୟନ୍ତ ପ୍ରାୟ ୪୦୦୦ କିଲୋମିଟର ଯାତ୍ରା କରିଥିଲେ।
