ଉତ୍ତରପ୍ରଦେଶ: ବାଗପଥ ଜିଲ୍ଲାରେ ଜଣେ 11 ବର୍ଷ ବୟସ୍କା ନାବାଳିକାକୁ ବଳାତ୍କାର ଅଭିଯୋଗରେ ଜଣେ ଚର୍ଚ୍ଚ ପୁରୋହିତଙ୍କୁ ଗିରଫ କରାଯାଇଛି। ପୀଡିତାଙ୍କ ପରିବାର ଚନ୍ଦନଗର ପୋଲିସ ଷ୍ଟେସନରେ ଅଭିଯୋଗ ଦାଖଲ କରିବା ପରେ ଅଭିଯୁକ୍ତକୁ ଗିରଫ କରାଯାଇଥିଛି ।
ଲାଲିଆନା ଗ୍ରାମରେ ଏହି ଘଟଣା ଘଟିଛି 1 ଚର୍ଚ୍ଚ ସହିତ ରହୁଥିବା ଏକ ପରିବାର ଅଭିଯୋଗ କରିଥିଲେ ଯେ ପୁରୋହିତ ସେମାନଙ୍କ ଝିଅକୁ ବଳାତ୍କାର କରିଛନ୍ତି । ପୋଲିସ ତଦନ୍ତ ଆରମ୍ଭ କରିବା ସହ ପୀଡିତାଙ୍କୁ ଡାକ୍ତରୀ ପରୀକ୍ଷା ପାଇଁ ପଠାଇଥିଲା।
ସର୍କଲ ଅଫିସର (ଖେକ୍ରା) ବିଜୟ ଚୌଧୁରୀ କହିଛନ୍ତି ଯେ, ଏପ୍ରିଲ 23 ରେ ଚର୍ଚ୍ଚର ପୁରୋହିତଙ୍କ ବିରୋଧରେ ଅଭିଯୋଗ କରାଯାଇଥିଲା। ଅଭିଯୁକ୍ତଙ୍କୁ ପୋଲିସ ହେପାଜତରେ ନିଆଯାଇଛି ଏବଂ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।
ପୀଡିତା ଜଣକ ଏକ ଅନୁସୂଚିତ ଜାତିର ଓ ଦ୍ଵିତୀୟ ଶ୍ରେଣୀର ଛାତ୍ରୀ |
ପୀଡିତାଙ୍କ ମା’ ଅଭିଯୋଗ କରିଛନ୍ତି ଯେ, ପୁରୋହିତ ତାଙ୍କ ଝିଅକୁ ଟଙ୍କା ଦେଇ ପ୍ରଲୋଭନ ଦେଖାଇ ଏକ କୋଠରୀକୁ ନେଇଥିଲେ। ସେଠାରେ ସେ ତାଙ୍କୁ ପର୍ଣ୍ଣ ଦେଖାଇଥିଲେ ଏବଂ ପରେ ତାଙ୍କୁ ବଳାତ୍କାର କରିଥିଲେ। ଝିଅଟି ତା’ର ପିତାମାତାଙ୍କୁ ଜଣାଇଥିଲା ଯାହା ପରେ ପୋଲିସ ନିକଟରେ ଅଭିଯୋଗ କରାଯାଇଥିଲା।
ଏହି ସମୟରେ ପୀଡିତାଙ୍କୁ ଚିକିତ୍ସା ପାଇଁ ସରକାରୀ ଡାକ୍ତରଖାନାକୁ ପଠାଯାଇଥିଲା।
ଅଧିକ ଅନୁସନ୍ଧାନ ଜାରି ରହିଛି।
