ସରିଲା ଛତିଶଗଡ଼ ଓ ମିଜୋରାମରେ ମତଦାନ

ନୂଆଦିଲ୍ଲୀ : କଡ଼ା ସୁରକ୍ଷା ମଧ୍ୟରେ ସରିଲା ଛତିଶଗଡ଼ ବିଧାନସଭାର ପ୍ରଥମ ପର୍ଯ୍ୟାୟ ମତଦାନ । ୭୧ ପ୍ରତିଶତ ଭୋଟିଂ ହୋଇଛି । ଭୋଟ ଗ୍ରହଣ ବେଳେ କାଙ୍କେର, ନାରାୟଣପୁର, ସୁକମା ଓ ବିଜାପୁରରେ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ହିଂସା ପାଇଁ କାଙ୍କର ଓ ସୁକୁମା ଜିଲ୍ଲାରେ ମତଦାନ କମିଥିବା ଆକଳନ କରାଯାଉଛି । ପ୍ରଥମ ପର୍ଯ୍ୟାୟ ମତଦାନରେ୨୦ ବିଧାନସଭା ଆସନର ୨୨୩ ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ ହୋଇଛି। ଏମାନଙ୍କ ମଧ୍ୟରେ ଅଛନ୍ତି ୨୫ଜଣ ମହିଳା ପ୍ରାର୍ଥୀ । ନକ୍ସଲଙ୍କ ଚେତାବନୀ ସତ୍ତ୍ବେ ବୁଥ ଆଗରେ ଭୋଟରଙ୍କ ଲମ୍ବା ଲାଇନ ଲାଗିଥିଲା । ଅବାଧ ଓ ଭୟମୁକ୍ତ ନିର୍ବାଚନ ପାଇଁ ପାରାମିଲିଟାରୀ ଫୋର୍ସ ଓ କେନ୍ଦ୍ରୀୟ ସୁରକ୍ଷା ବଳ ସହ ଛିତଶଗଡ ପୋଲିସ ସମେତ କୋର୍ବା ବାହିନୀକୁ ମତୟନ କରାଯାଇଥିଲା। ତେବେ ରାଜ୍ୟରେ କଂଗ୍ରେସ ପୁଣି କ୍ଷମତାକୁ ଫେରିବ ବୋଲି ବିଭିନ୍ନ ଓପିନିଅନ ପୋଲ ଆକଳନ କରିଛି।