ମୁମ୍ବାଇ : ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ। ବର୍ତ୍ତମାନ ତାଙ୍କ ଜୁହୁ ଘରୁ ଚୋରିର ଘଟଣା ସାମ୍ନାକୁ ଆସିଛି। ଏହି ଘଟଣାରେ ମୁମ୍ବାଇ ପୋଲିସ ଦୁଇ ଜଣଙ୍କୁ ଅଟକ ରଖି ତଦନ୍ତ କରୁଛି। ମିଡିଆ ରିପୋର୍ଟ ଅନୁଯାୟୀ ଏହି ଘଟଣା ଏକ ସପ୍ତାହ ପୁରୁଣା। ଗତ ୧୫ ଜୁନ୍ ରେ ପୋଲିସ ଏଜେନ୍ସିକୁ ସୂଚନା ଦେଇଥିଲା ଯେ ଗତ ସପ୍ତାହରେ ଅଭିନେତ୍ରୀଙ୍କ ଘରୁ କିଛି ମୂଲ୍ୟବାନ ସାମଗ୍ରୀ ଚୋରି ହୋଇଥିଲା । ଏହି ଘଟଣାରେ ତଦନ୍ତ ଚାଲିଛି।
ଅଧିକାରୀ କହିଛନ୍ତି ଯେ ଜୁହୁ ପୋଲିସ ଷ୍ଟେସନରେ ଅଭିଯୋଗ ଆସିଥିଲା ଯେ ଅଭିନେତ୍ରୀଙ୍କ ଘରେ ଚୋରି ହୋଇଥିଲା ଏବଂ କିଛି ମୂଲ୍ୟବାନ ସାମଗ୍ରୀ ନିଖୋଜ ଥିଲା। ସଙ୍ଗେ ସଙ୍ଗେ ଏକ ମାମଲା ପଞ୍ଜିକୃତ ହୋଇ ତଦନ୍ତ ଆରମ୍ଭ ହୋଇଥିଲା। ଏହି ଘଟଣାରେ ତଦନ୍ତକାରୀ ଦଳ ଦୁଇ ଜଣଙ୍କୁ ଅଟକ ରଖିଛନ୍ତି ଏବଂ ସେମାନଙ୍କ ପଚରାଉଚରା ଚାଲିଛି।
ଶିଳ୍ପା ଶେଟ୍ଟୀ ଏବେ ମୁମ୍ବାଇରେ ନାହାଁନ୍ତି। ସେ ବର୍ତ୍ତମାନ ପରିବାର ସହିତ ଇଟାଲୀରେ ଛୁଟି କରୁଛନ୍ତି। ଶିଳ୍ପା ଇନଷ୍ଟାଗ୍ରାମରେ ତାଙ୍କ ଛୁଟିଦିନର ଫଟୋ ମଧ୍ୟ ସେୟାର କରିଛନ୍ତି। ଯେଉଁଥିରେ ସୋସିଆଲ ମିଡିଆରେ ତାଙ୍କର ମୋନୋକିନି ଡ୍ରେସ ଫଟୋ ବହୁତ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ଶିଳ୍ପାଙ୍କ ଫଟୋ ଦେଖି ଆଶ୍ଚର୍ଯ୍ୟ ହୋଇଥିଲେ ।
ବଲିଉଡ୍ ଅଭିନେତ୍ରୀ ଶିଳ୍ପାଙ୍କ ଘରୁ ଚୋରୀ, ଦୁଇ ଜଣଙ୍କୁ ଗିରଫ କଲା ପୋଲିସ୍
