ଭୁବନେଶ୍ୱର : ରାଜ୍ୟରେ ସଫଳ ହୋଇଛି ପ୍ଲାଜମା ଥେରାପୀ ଚିକିତ୍ସା । ପ୍ଲାଜମା ଥେରାପୀ ଦ୍ୱାରା ୬ଗୁରୁତର କରୋନା ଆକ୍ରାନ୍ତଙ୍କ ମଧ୍ୟରୁ ୪ଜଣଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ହୋଇଛି । ୪ଗୁରୁତର ଆକ୍ରାନ୍ତ ଖୁବଶ୍ରୀଘ୍ର ହସ୍ପିଟାଲରୁ ଡିସଚାର୍ଜ ହେବେ । ଏହି ସୁସ୍ଥ ହେଉଥିବା ୪ ଜଣ ରୋଗୀଙ୍କର ଆଉ ଅକ୍ସିଜେନ ସପୋର୍ଟର ଆବଶ୍ୟକତା ନାହିଁ । ବାକି ଅନ୍ୟ ଦୁଇ ଜଣଙ୍କର ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ଏମାନେ ଶ୍ରୀଘ୍ର ବିପଦମୁକ୍ତ ହେବାର ସମ୍ଭାବନା ରହିଛି ।
ତେବେ କରୋନା ସଂକ୍ରମଣରୁ ସୁସ୍ଥ ହୋଇଥିବା ବ୍ୟକ୍ତିଙ୍କର ପ୍ଲାଜମାକୁ ନେଇ ସଂକ୍ରମିତଙ୍କ ଶରୀରରେ ବ୍ୟବହାର କରାଯିବ । ସୁସ୍ଥ ହୋଇଥିବା ବ୍ୟକ୍ତଙ୍କ ରକ୍ତରେ ଥିବା ଆଣ୍ଟିବଡ଼ିକୁ ନେଇ ଜଣେ ସଂକ୍ରମିତ ବ୍ୟକ୍ତିର ଚିକିତ୍ସା କରାଯିବ । ଅନ୍ୟପଟେ ରାଜ୍ୟର ସୁସ୍ଥ ହୋଇଥିବା ଏନଡିଆରଏଫ ଓ ଅଗ୍ନିଶମ ବିଭାଗର କର୍ମଚାରୀମାନେ ଏବେ ପ୍ଲାଜମା ଦାନ କରିବାକୁ ଆଗେଇ ଆସିଛନ୍ତି ।
ଏବେ ରାଜ୍ୟରେ ମୋଟ ୧୭୪୩୭ଟି ପଜିଟିଭ କେସ୍ ଚିହ୍ନଟ ହୋଇଥିବା ବେଳେ ୫୩୮୧ ଜଣ ଆକ୍ଟିଭ କେସ୍ ଭାବେ ଚିକିତ୍ସିତ ହେଉଛନ୍ତି । ୯୧ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୧୧୯୩୭ ଜଣ ବିଭିନ୍ନ କୋଭିଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ସୂଚନା ମିଳିଛି ।
ରାଜ୍ୟରେ ପ୍ଲାଜମା ଥେରାପୀ ସଫଳ
