ପୁଣି ବଢ଼ିବ ପେଟ୍ରୋଲ-ଡିଜେଲ ଦର

ଦେଶର ସବୁଠାରୁ ବଡ଼ ତୈଳ ଶୋଧନ ଓ ଇନ୍ଧନ ବିକ୍ରି କରୁଥିବା କମ୍ପାନୀକୁ ଚଳିତ ଆର୍ôଥକ ବର୍ଷ ୨୦୨୨-୨୩ର ପ୍ରଥମ ତିନି ମାସରେ ୧,୯୯୨.୫୩ କୋଟି ଟଙ୍କାର କ୍ଷତି ସହିବାକୁ ପଡ଼ିଛି । ଏହା ପୂର୍ବ ଆର୍ଥିକ ବର୍ଷର ପ୍ରଥମ ତିନି ମାସରେ କମ୍ପାନୀ ୫,୯୪୧.୩୭ କୋଟି ଟଙ୍କାର ଲାଭ କମାଇଥିଲା । ସେହିପରି ତା’ ପୂର୍ବ ବର୍ଷ ଜାନୁଆରୀ-ମାର୍ଚ୍ଚ ମଧ୍ୟରେ କମ୍ପାନୀ ୬,୦୨୧.୯ କୋଟି ଟଙ୍କା ଲାଭ ହାସଲ କରିଥିଲା ।

ତେବେ ପେଟ୍ରୋଲ ଓ ଡିଜେଲର ଖୁଚୁରା ବିକ୍ରିର ମାର୍ଜିନରେ ହ୍ରାସ କାରଣରୁ କମ୍ପାନୀର ଆୟ ହ୍ରାସ ପାଇଛି । କମ୍ପାନୀ ପେଟ୍ରୋଲ ଲିଟର ପିଛା ୧୦ ଟଙ୍କା ଓ ଡିଜେଲ ଲିଟର ପିଛା ୧୪ ଟଙ୍କା କ୍ଷତି ସହୁଛି । ଏହାଛଡ଼ା ଉତ୍ପାଦ ଶୁଳ୍କରେ ହ୍ରାସ କାରଣରୁ କମ୍ପାନୀକୁ ମଧ୍ୟ ୧୫୦୦ରୁ ୧୬୦୦ କୋଟି ଟଙ୍କାର କ୍ଷତି ସହିବାକୁ ପଡ଼ୁଛି ବୋଲି ଏକ ରିପୋର୍ଟରେ କୁହାଯାଇଛି ।