ଯେଉଁ ବ୍ୟକ୍ତି ଉଚିତ୍ ମାତ୍ରାରେ ଶୁଅନ୍ତି ନାହିଁ, ସେମାନଙ୍କ ନିକଟରେ ହାର୍ଟ ଷ୍ଟ୍ରୋକର ସମ୍ଭାବନା ଦେଖାଯାଇଥାଏ

ଗୋଟିଏ ଭଲ ନିଦ ଆପଣଙ୍କ ଜୀବନ କୁ ସୁଖମୟ କରିଥାଏ । କାହିଁକି ନା ଏହାଦ୍ବାରା ଆପଣ ଅନେକ ଗୁଡ଼ିଏ ପ୍ରାଣ ଘାତକ ରୋଗ ଠାରୁ ଦୂରେଇ ରହି ପାରିବେ । ଏହା କୌଣସି ପରି କଳ୍ପନା ନୁହେଁ , ଏହା ଗୋଟିଏ ଗବେଷଣା ରୁ ଜଣାପଡିଛି ଯେ ନିଦ ଅଭାବରୁ ହୃଦ୍ ଘାତ ସମସ୍ୟା ଅଧିକ ଦେଖା ଦେଇଥାଏ । ଯେଵେକି ଠିକ୍ ଭାବରେ ଶୋଇବା ଦ୍ଵାରା ଆପଣ ଅନେକ ଗୁଡ଼ିଏ ରୋଗ ଠାରୁ ଦୂରେଇ ରହି ଥାଆନ୍ତି ।
ଆମେରିକା କଲେଜ୍ ଅଫ କର୍ଡ଼ିଓ ଲୋଜି ର ଗୋଟିଏ ଅଧ୍ୟୟନ ଅନୁସାରେ ନିଦ୍ରା ହୀନତା ର ଶିକାର ହେଉଥିବା ଲୋକ ମାନେ ଅନ୍ୟ ମାନଙ୍କ ଠାରୁ ୬୯ ପ୍ରତିଶତ ଅଧିକ ହୃଦ୍ ଘାତ ଦ୍ଵାରା ପୀଡ଼ିତ ହୋଇ ଥାଆନ୍ତି । ଏହି ଅଧ୍ୟୟନ ରେ ୬ଟି ଦେଶର ୧୦ ଲକ୍ଷ ଲୋକ ସାମିଲ ହୋଇଥିଲେ । ଏଥିରେ ୫୨ ବର୍ଷରୁ ଅଧିକ ଆୟୁ ବର୍ଗ ର ଲୋକେ ମଧ୍ୟ ସାମିଲ ହୋଇଥିଲେ । ସେମାନଙ୍କ ମଧ୍ୟରେ ଦେଖିବାକୁ ମିଳିଥିଲା ଯେ ଯେଉଁ ମାନେ ଅଧିକ ଅନିଦ୍ରା ର ଶିକାର ହେଉଛନ୍ତି ସେମାନଙ୍କ ନିକଟରେ ହାର୍ଟ ସମସ୍ୟା ଦେଖିବାକୁ ମିଳିଥିଲା । ଏହି ବ୍ୟକ୍ତି ମାନଙ୍କ ନିକଟରେ କିଛିଟା ଲକ୍ଷଣ ସାଧାରଣ ଭାବରେ ଦେଖା ଦେଇଥିଲା ।
– ଶୀଘ୍ର ନିଦ ନହେବା
– ବିଳମ୍ବିତ ରାତିରେ ଶୋଇଲେ ମଧ୍ୟ ଶୀଘ୍ର ନିଦ ଭାଙ୍ଗି ଯିବା
– ଶୋଇବା ସମୟ ରେ ଚିନ୍ତା ରେ ରହିବା
– ଯେଉଁ ବ୍ୟକ୍ତି ମାନେ ୫ଘଣ୍ଟା ରୁ କମ୍ ଶୋଇ ଥାଆନ୍ତି ସେମାନେ ହାର୍ଟ ଷ୍ଟ୍ରୋକ ରେ ଅଧିକ ପୀଡିତ ହୁଅନ୍ତି ।
– ଯେଉଁ ବ୍ୟକ୍ତି ମାନଙ୍କ ର ସ୍ଲିପିଂ ସାଇକେଲ ବାଧା ପ୍ରାପ୍ତ ହେଇ ଥାଏ ସେମାନେ ମଧ୍ୟ ହୃଦ୍ ଘାତ ର ଶିକାର ହୁଅନ୍ତି ।
– ଯେଉଁ ମାନେ ରାତିରେ ୮ଘଣ୍ଟା ଶୋଇ ଥାଆନ୍ତି ସେମାନଙ୍କ ନିକଟରେ ହାର୍ଟ ସମସ୍ୟା ଖୁବ୍ କମ୍ ଦେଖିବାକୁ ମିଳିଥାଏ ।
– ଏହି ଗବେଷଣା ରେ ଏହା ମଧ୍ୟ ଜଣା ପଡିଥିଲା ଯେ ଆଜିକାଲି ର ଅନିଦ୍ରା ଡିପ୍ରେସନ୍ ର ସବୁଠୁ ବଡ଼ କାରଣ ଅଟେ ।
– ଅନ୍ୟ ଗୋଟିଏ ଅଧ୍ୟୟନ ରୁ ଜଣା ପଡିଥିଲା ଯେ ଠିକ୍ ଭାବରେ ଶୋଇବା ଦ୍ଵାରା ଜୀବନ ରେ ଅନେକ ରୋଗ ଦୂରେଇ ଯାଇଥାଏ ।
– ଉଚିତ୍ ମାତ୍ରାରେ ଶୋଇବା ଦ୍ଵାରା ଆୟୁ ବୃଦ୍ଧି ହୋଇଥାଏ । ଏଥିରେ ମଧ୍ୟ ଆହୁରି ଜଣା ପଡିଥିଲା ଯେ ଆଜିକାଲି ଅଧିକ ହାର୍ଟ ଷ୍ଟ୍ରୋକ ସମସ୍ୟା ଅଧିକ ଦେଖା ଯିବାର କାରଣ ହେଲା ନିଦ୍ରା ହୀନତା ର ସମସ୍ୟା ।