ମହାନଦୀ ଭିତରେ ଫସିଲା ଯାତ୍ରୀବାହୀ ଡଙ୍ଗା

କେନ୍ଦ୍ରାପଡ଼ା : ଆଜି ସକାଳୁ ମହାନଦୀ ଭିତରେ ଯାତ୍ରୀବାହୀ ଡଙ୍ଗା ହେଲା ଅଚଳ । ଯାହାଫଳରେ ଡଙ୍ଗାରେ ଥିବା ଯାତ୍ରୀମାନେ ହେଲେ ହନ୍ତସନ୍ତ । କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ାର ବାହାକୂଦ ମୂଷାଡ଼ିଆ ଫେରିଘାଟରେ ମହାନଦୀ ଭିତରେ ୨ଟି ଡଙ୍ଗା ଅଟକି ଯାଇଥିଲା । ପ୍ରାୟ ୩ ଘଣ୍ଟା ପର୍ଯ୍ୟନ୍ତ ଯାତ୍ରୀମାନେ ମଝି ନଦୀରେ ଫସିରହିଥିଲେ । ୩ ଘଣ୍ଟା ପର୍ଯ୍ୟନ୍ତ ଯାତ୍ରୀମାନେ ଭୟରେ ଆତଙ୍କିତ ହୋଇଯାଇଥିଲେ । ଇଞ୍ଜିନ୍ ଖରାପ ପାଇଁ ଡଙ୍ଗା ମଝି ନଦୀରେ ଅଟକି ଯାଇଥିଲା । ବହୁ ସମୟ ପରେ ସ୍ଥାନୀୟ ଲୋକଙ୍କ ସାହାଯ୍ୟରେ ଡଙ୍ଗାରେ ଫସିଥିବା ଯାତ୍ରୀମାନଙ୍କୁ ଉଦ୍ଧାର କରାଯାଇଥିଲା ।