ଭୁବନେଶ୍ୱର : ମେ’ ୨୭ରେ ବାକି ସ୍ଥାନରେ ପଞ୍ଚାୟତ ନିର୍ବାଚନ । ପ୍ରାର୍ଥୀଙ୍କ ମୃତ୍ୟୁ ଯୋଗ ବାକି ଥିବା ସ୍ଥାନରେ ପଞ୍ଚାୟତ ନିର୍ବାଚନ ଘୋଷଣା । ମେ’ ୨୭ରେ ବାକି ଥିବା ସ୍ଥାନରେ ପଞ୍ଚାୟତ ନିର୍ବାଚନ ପାଇଁ ଭୋଟଗ୍ରହଣ ।
ଏପ୍ରିଲ୍ ୨୬ରେ ଏନେଇ ନିର୍ବାଚନ ଅଧିକାରୀଙ୍କ ଦ୍ୱାରା ପ୍ରକାଶ ପାଇବ ବିଜ୍ଞପ୍ତି । ଏପ୍ରିଲ୍ ୨୯ରୁ ମେ’ ୨ ପର୍ଯ୍ୟନ୍ତ ପ୍ରାର୍ଥୀପତ୍ର ଦାଖଲ । ୪ରେ ଯାଞ୍ଚ କରାଯିବ । ୫ରେ ପ୍ରାର୍ଥୀ ତାଲିକା ପ୍ରକାଶ କରାଯିବ । ୭ ପର୍ଯ୍ୟନ୍ତ ପ୍ରତ୍ୟାହର ହୋଇପାରିବ । ୨୭ ତାରିଖ ସକାଳ ୭ଟାରୁ ଦିନ ୧ଟା ପର୍ଯ୍ୟନ୍ତ ଭୋଟଗ୍ରହଣ ହେବ । ୨୮ ତାରିଖରେ ଗଣତି କରାଯିବ ।
ତେବେ ନିର୍ବାଚନ ହେବାକୁ ଥିବା ସ୍ଥାନ ମାନଙ୍କରେ ଆଜିଠୁ ମେ ୨୮ ତାରିଖ ପର୍ଯ୍ୟନ୍ତ ଆଦର୍ଶ ଆଚରଣ ବିଧି ଲାଗୁ ହେବ । ନିର୍ବାଚନ ପାଇଁ ପୁର୍ବରୁ ନାମାଙ୍କନ କରିଥିବା ପ୍ରାର୍ଥୀଙ୍କୁ ପୁଣିଥରେ ନାମାଙ୍କନ ଦାଖଲ କରିବାକୁ ପଡିବ ନାହିଁ । ରାଜ୍ୟରେ ୨୦୦ ଜିଲ୍ଲା ପରିଷଦ, ୧,୬୬୯ ସରପଞ୍ଚ, ୨୨,୩୭୯ ୱାର୍ଡ ମେମ୍ବର ପାଇଁ ପାଞ୍ଚୋଟି ପର୍ଯ୍ୟାୟରେ ଫେବୃଆରୀ ୧୬ରୁ ୨୪ ତାରିଖ ଯାଏଁ ନିର୍ବାଚନ ଅନୁଷ୍ଠିତ ହୋଇଥିଲା ।
