ଆରବ ସାଗରରେ ବୁଡିଲା ଭାରତୀୟ ଜାହାଜ, ୯ଜଣଙ୍କୁ ରକ୍ଷା କଲା ପାକିସ୍ତାନ

ନୂଆଦିଲ୍ଲୀ : ଆରବ ସାଗରରେ ଏକ ଜାହାଜ ଓଲଟିବା କାରଣରୁ ଭାରତୀୟ କ୍ରୁ ମେମ୍ବରଙ୍କୁ ବୁଡିବାରୁ ରକ୍ଷା କରିଛି ପାକିସ୍ତାନୀ ନୌସେନା। ପାକିସ୍ତାନୀ ନୌସେନା ଜନସଂପର୍କ ମହାନିର୍ଦ୍ଦେଶକ କହିଛନ୍ତି, ଭାରତୀୟ ଜାହାଜ ‘ଜମନା ସାଗର’ରେ ବୁଡି ଯାଇଥିଲା। ଏଥିରେ ୧୦ ଜଣ କ୍ରୁ ମେମ୍ବର ରହିଥିଲେ। ଏମାନଙ୍କ ମଧ୍ୟରୁ ୯ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣଙ୍କର ମୃତ୍ୟୁ ଘଟିଛି। ସୂଚନା ମୁତାବକ, ନୌସେନା ଜାହାଜ ବୁଡିବା ପରେ ପାକିସ୍ତାନ ସମୁଦ୍ରୀ ସୂଚନା କେନ୍ଦ୍ର ପାଖରେ ଥିବା ଏମଟି କ୍ରୁଇବେକକୁ ଭାରତୀୟ ଜାହାଜର କ୍ରୁ ମେମ୍ବେର୍ସ ସାହାଯ୍ୟ ପାଇଁ ଅନୁରୋଧ କରିଥିଲେ। ଏଥିରେ ୯ ଜଣଙ୍କୁ ଉଦ୍ଧାର କରାଯାଉଥିବା ବେଳେ ଜଣେ ନିଖୋଜ ଥିଲେ। ତାଙ୍କ ମୃତଦେହକୁ ପରେ ଉଦ୍ଧାର କରାଯାଇଥିଲା।ଜାହାଜ ନଅ ଜଣ କ୍ରୁ ସଦସ୍ୟଙ୍କୁ ଉଦ୍ଧାର କରି ଦୁବାଇର ପରବର୍ତ୍ତୀ ବନ୍ଦରକୁ ଚାଲିଆସିଥିଲା ଏବଂ ପରେ କ୍ରୁ ସଦସ୍ୟମାନଙ୍କୁ ମୁକ୍ତ କରିଥିଲା। ଏଥିସହ ଦୁଇଟି ହେଲିକପ୍ଟର ଯୋଗେ ପାକିସ୍ତାନୀ ନୌସେନାର ଜାହାଜ ମଧ୍ୟ ଏହି ଅଞ୍ଚଳରେ ପହଞ୍ଚି କ୍ରୁ ସଦସ୍ୟଙ୍କ ମୃତଦେହକୁ ଉଦ୍ଧାର କରିବା ପରେ ନିଖୋଜ ଥିବା ଦେଖିବାକୁ ମିଳିଥିଲା।