କୁକୁର ଆକ୍ରମଣରେ ବୃଦ୍ଧା ମୃତ

ବାଲେଶ୍ୱର : ବୃଦ୍ଧାଙ୍କୁ  ଝୁଣି ମାରିଦେଲା  ପାଗଳ କୁକୁର  ।  ବାଲେଶ୍ୱର ଜିଲ୍ଲା ଭୋଗରାଇ ଥାନା ଅନ୍ତର୍ଗତ  ଜୟନାରାୟଣ ପଞ୍‌ଚାୟତ  ନାରାୟଣପୁର ଗାଁର ଏହି ଅଭାବନୀୟ ଘଟଣା ଘଟିଛି  । ମୃତ ବୃଦ୍ଧା ଜଣଙ୍କ ହେଲେ ଗାଁର ବାସନ୍ତି ସାହୁ । ଆଜି ସକାଳେ ବାସନ୍ତି ଘର ବାହାରେ   ବସିଥିବା ବେଳେ ଏକ ପାଗଳ କୁକୁର  ଆସି ତାଙ୍କୁ ଆକ୍ରମଣ କରିଥିଲା ।  ବୃଦ୍ଧାଙ୍କ ଶରୀର ବିଭିନ୍ନ ସ୍ଥାନରେ  ଗଭୀର କ୍ଷତ ସୃଷ୍ଟି ହୋଇଥିଲା ।  ବୃଦ୍ଧାଙ୍କ ଚିତ୍କାର  ଶୁଣି  ପରିବାର ଲୋକେ ଦୌଡି ଆସିଥିଲେ । ବୃଦ୍ଧାଙ୍କୁ ଉଦ୍ଧାର କରିବା ସହ  ପାଗଳ କୁକୁରଟିକୁ ପିଟିପିଟି ମାରିଦେଲେ ।  ବୃଦ୍ଧାଙ୍‌କର ମଧ୍ୟ ମୃତ୍ୟୁ ଘଟିଥିଲା । ବୃଦ୍ଧାଙ୍କ ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି ।  ଅନ୍ୟପକ୍ଷ୍ୟରେ ମୃତକଙ୍କ ପରିବାର ଲୋକଙ୍‌କୁ  ସହାୟତା ଯୋଗାଇଦେବାକୁ  ଗ୍ରାମବାସୀ ଦାବି କରିଛନ୍ତି ।