ଭୁବନେଶ୍ୱର : ଆଜି ଓଡିଶାର ୪ଟି ଲୋକସଭା ସହ ୨୮ଟି ବିଧାନସଭା ନିର୍ବାଚନରେ ଭୋଟରମାନେ ଉତ୍ସାହ ସହ ଭୋଟ ଦେଇଛନ୍ତି । ନିର୍ବାଚନରେ ସାମିଲ ହୋଇଥିବା ସମସ୍ତ ଭୋଟର ଭାଇଭଉଣୀମାନଙ୍କୁ ମୁଁ ଧନ୍ୟବାଦ ଜଣାଉଛି । ଚଳିତ ନିର୍ବାଚନର ପ୍ରଥମ ପର୍ଯ୍ୟାୟରେ ସନ୍ଧ୍ୟା ୫ଟା ସୁଦ୍ଧା ୬୨.୯୬ ପ୍ରତିଶତ ମତଦାନ ହୋଇଛି । ଏହା ନିଶ୍ଚିତ ରୂପେ ରାଜ୍ୟରେ ବିଜେପି ସପକ୍ଷରେ ପରିବର୍ତନର ଲହରକୁ ଦର୍ଶାଉଛି, ଯାହା ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଜୀଙ୍କ ସହ ଯୋଡି ହୋଇ ରହିଛି ।
ବିଶେଷ କରି ନିର୍ବାଚନ ସଂସ୍କାର ବିଜେପି ସର୍ବଦା ଦାବି କରେ । ଜାତୀୟ ନିର୍ବାଚନ କମିଶନ ଚଳିତ ସାଧାରଣ ନିର୍ବାଚନରେ ୱେବ୍ କାଷ୍ଟିଙ୍ଗ କରି ସିଧାସଳଖ ବେଆଇନ କାର୍ଯ୍ୟକଳାପରେ ଲିପ୍ତ ଥିବା ଅଧିକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଓଡ଼ିଶାରେ ପ୍ରଥମ । ଗୋପାଳପୁର, ଛତ୍ରପୁର, ଚିକିଟି, ନର୍ଲା ନିର୍ବାଚନ ମଣ୍ଡଳୀରେ ନିର୍ବାଚନ ପରିଚାଳନା ଦାୟିତ୍ୱରେ ଥିବା ଯେଉଁ ପ୍ରିଜାଇଡିଂ ଓ ପୋଲିଂ ଅଫିସର ବେଆଇନ କାର୍ଯ୍ୟ କରିଛନ୍ତି ସେମାନଙ୍କୁ ଜାତୀୟ ନିର୍ବାଚନ କମିଶନ ସସ୍ପେଣ୍ଡ କରିବା ସହ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି । ନିର୍ବାଚନକୁ ପ୍ରଭାବିତ କରିବା ପାଇଁ କିଛି ମୁଷ୍ଟିମେୟ ସରକାରୀ କର୍ମଚାରୀ ବେଆଇନ କାର୍ଯ୍ୟରେ ଲିପ୍ତ ଅଛନ୍ତି । ତେଣୁ ମୋର ବିନିତ ଅନୁରୋଧ ନିର୍ବାଚନ ମହାପର୍ବରେ ବିଶୃଙ୍ଗଳା ନ କରନ୍ତୁ । ନିର୍ବାଚନର ମହାପର୍ବରେ ନିରବତା ରଖିବା ଆମ ଦାୟିତ୍ୱ । ଜାତୀୟ ନିର୍ବାଚନ କମିଶନ(ଇସିଆଇ) ଯେଉଁ ନିର୍ବାଚନ ପରିଚାଳନା ଦାୟିତ୍ୱ ଦେଇଛନ୍ତି ସେଥିରେ ନିରପକ୍ଷତା ଅବଲମ୍ବନ କରିବା ପାଇଁ ପୂର୍ବତନ ରାଜ୍ୟ ସଭାପତି ତଥା ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଶ୍ରୀ ସମୀର ମହାନ୍ତି କହିଛନ୍ତି ।
ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଶ୍ରୀ ମହାନ୍ତି କହିଛନ୍ତି ଯେ, ନିଜସ୍ୱ ଲାଭ ପାଇଁ କିମ୍ବା ନିଜର ଅଧିକାରୀଙ୍କୁ ଖୁସି କରିବା ପାଇଁ ନିର୍ବାଚନ ପରିଚାଳନା ଦାୟିତ୍ୱରେ ଥିବା ଅଧିକାରୀମାନେ କୌଣସି ଚାପର ବସବତି ନହୁଅନ୍ତୁ । ଆମେ ଜଣେ ଜଣେ ସାରଥୀ ସାଜି ଶୃଙ୍ଖଳାର ସହ ନିରପେକ୍ଷତା ଅବଲମ୍ବନ କରି ଗଣତନ୍ତ୍ରର ଏହି ମହାନପର୍ବରେ ନିଜକୁ ସାମିଲ କରିବା । ଭୋଟ ଗ୍ରହଣ ସମାପ୍ତ ପରେ ସେଭେଟିନ ସିଫର୍ମ, ଇଭିଏମ୍ ମେସିନ ତଥ୍ୟ ଯଥା କେତେ ଭୋଟ ହେଲା, କେତେ ବ୍ୟାଲେଟ ବଳିଲା, ତାହାର ଇଭିଏମ୍ର କଟ୍ରୋଲ ୟୁନିଟ୍, ସି ଓ ଭି ବାଲାଟ ୟୁନିଟ୍ , ନମ୍ବର ସମ୍ପୂର୍ଣ୍ଣ ଲେଖିବା ସହ ଏଜେଂଟର ଦସ୍ତଖତ ଲେଖିବାର ସି୍ଲ୍ ରାଜନୈତିକ ଏଜେଂଟ ମାନଙ୍କୁ ଯୋଗାଇ ଦେବା ପାଇଁ ବିଜେପି ଦାବି କରିଛନ୍ତି । ୧୭ସି ଫର୍ମ ଯେଉଁ ପ୍ରିଜାଇଡିଂ ଅଫିସର ନଦିଅନ୍ତି ତାଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀ ମହାନ୍ତି କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ସାଧାରଣ ସମ୍ପାଦକ ଯତୀନ ମହାନ୍ତି, ରାଜ୍ୟ ମୁଖପାତ୍ର ଦିଲୀପ ମଲ୍ଲିକ, ରାଜ୍ୟ ଗଣମାଧ୍ୟମ ସଂଯୋଜକ ସୁଜିତ୍ କୁମାର ଦାସ, ରାଜ୍ୟ ନିର୍ବାଚନ ସେଲ୍ ସଂଯୋଜକ ଜୟନ୍ତ ଜେନା ପ୍ରମୁଖ ଉପସ୍ଥିତ ଥିଲେ ।
