ରଜରେ ଭିଜିବ ଓଡ଼ିଶା

ଭୁବନେଶ୍ୱର: ପ୍ରତୀକ୍ଷାର ଅନ୍ତ । କେରଳରେ ପ୍ରବେଶ କରିଛି ମୌସୁମୀ । ଆଗାମୀ ୨-୩ ଦିନ ଭିତରେ ମହାରାଷ୍ଟ୍ର, ଆନ୍ଧ୍ର, କର୍ଣ୍ଣାଟକ, ତାମିଲନାଡ଼ୁର କିଛି ଅଂଶ ଛୁଇଁପାରେ । ତେବେ ଓଡ଼ିଶାରେ ମୌସୁମୀ ଆଗମନକୁ ଅପେକ୍ଷା କରି ରହିଛନ୍ତି ରାଜ୍ୟବାସୀ ।ପାଣିପାଗ ବିଶେଷଜ୍ଞଙ୍କ ଅନୁସାରେ ଜୁନ୍ ୧୨ ତାରିଖ ବେଳକୁ ଉତ୍ତର ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ କିମ୍ବା ଲଘୁଚାପ ସୃଷ୍ଟି ହୋଇପାରେ । ଏହା ମୌସୁମୀକୁ ଅଗ୍ରସର କରିବାରେ ସହାୟକ ହେବ । ରଜବେଳକୁ ମୌସୁମୀ ଓଡ଼ିଶା ଛୁଇଁପାରେ । ସମ୍ଭାବ୍ୟ ଲଘୁଚାପ/ ଘୂର୍ଣ୍ଣିବଳୟ ସୃଷ୍ଟି ହେବା ନେଇ ପାଣିପାଗ ବିଭାଗର ବିସ୍ତାରିତ ପୂର୍ବାନୁମାନରେ ମଧ୍ୟ ସଙ୍କେତ ଦିଆଯାଇଛି ।