ଭୁବନେଶ୍ୱର : ଆଜିକାଲି ଦୁନିଆରେ ରୋଗ ପ୍ରତ୍ୟକଙ୍କ ଶରୀରରେ କିଛି ନା କିଛି ଅଛି । ହେଲେ ଶିଶୁଠୁ ଆରମ୍ଭ କରି ବୟସ୍କ ବ୍ୟକ୍ତି ପର୍ଯ୍ୟନ୍ତ ସମସ୍ତଙ୍କ ଶରୀରରେ କିଛି କିଛି ନା କିଛି ରୋଗ ଅଛି । ଏହି ରୋଗ ପାଇଁ ସମସ୍ତେ ଚିନ୍ତାରେ ଥାନ୍ତି । ସେହି ରୋଗ ମଧ୍ୟରୁ ଯକ୍ଷ୍ମା ବା ଟିବି ରୋଗ ଅନ୍ୟତମ । ଏହି ରୋଗ ଶିଶୁଙ୍କୁ ହେଲେ ମଧ୍ୟ ଆଉ ଚିନ୍ତା କରିବାର ନାହିଁ । ସେଥିପାଇଁ ରାମ ବାଣ ସଦୃଶ ମେଡିସିନ୍ ବାହାରି ସାରିଛି । ଆସନ୍ତୁ ଜାଣିବା ସେ ବିଷୟରେ….
ଯକ୍ଷ୍ମା ବା ଟିବିକୁ ମାତ୍ ଦେବା କ୍ଷେତ୍ରରେ ମିଳିଛି ଆଉ ଏକ ସଫଳତା । ଏଣିକି ଶିଶୁମାନଙ୍କ ପାଇଁ ଉଦ୍ଦିଷ୍ଟ ଏକ ମେଡିସିନ୍ ଅନୁମୋଦନ ଲାଭ କରିଛି । ଯାହା ଶିଶୁଙ୍କ ସ୍ୱାସ୍ଥ୍ୟସେବାରେ ଏକ ଗୁରୁତ୍ୱପୂର୍ଣ୍ଣ ସଫଳତା କହିଲେ ଭୁଲ୍ ହେବନି । ଏହି ସଫଳତା ଯକ୍ଷ୍ମା ଚିକିତ୍ସାରେ ବୈପ୍ଳବିକ ପରିବର୍ତ୍ତନ ଆଣିବ ବୋଲି ଆଶା କରାଯାଉଛି । ବିଶେଷକରି ଯୁବ ରୋଗୀ ତଥା ଶିଶୁଙ୍କୁ ଅନୁକୂଳ ଔଷଧ ପ୍ରଦାନ କରିବାର ବିକଳ୍ପ ମିଳିଛି । ଯକ୍ଷ୍ମା ବର୍ତ୍ତମାନ ଏକ ବିଶ୍ବସ୍ତରୀୟ ସ୍ବାସ୍ଥ୍ୟ ସମସ୍ୟା ଭାବରେ ଉଭା ହୋଇଛି । କାରଣ ଦେଖା ଯାଉଛି ପିଲାମାନେ ଏହାର ଭୟଙ୍କର ପ୍ରଭାବରେ ଆସୁଛନ୍ତି । ପାରମ୍ପରିକ ଭାବରେ, ଶିଶୁଙ୍କ ପାଇଁ ଉପଯୁକ୍ତ ସୀମିତ ଔଷଧ ବିକଳ୍ପ ହେତୁ ଶିଶୁଙ୍କ ପାଇଁ ଯକ୍ଷ୍ମା ଚିକିତ୍ସା ଏକ ଚ୍ୟାଲେଞ୍ଜ ରହିଆସିଛି । ଶିଶୁଙ୍କ ପାଇଁ କୌଣସି ନିର୍ଦ୍ଦିଷ୍ଟ ଔଷଧ ନାହିଁ ।
ଶିଶୁ ଯକ୍ଷ୍ମା ଚିକିତ୍ସାରେ ଏକ ପ୍ରମୁଖ ପ୍ରତିବନ୍ଧକ ହେଉଛି ପିଲାମାନଙ୍କ ପାଇଁ ଉପଯୁକ୍ତ ଔଷଧର ଅଭାବ ପାରମ୍ପରିକ ଯକ୍ଷ୍ମା ଔଷଧ ପ୍ରାୟତଃ ବଟିକା ଆକାରରେ ଆସିଥାଏ, ଯାହା ପିଲାମାନଙ୍କ କ୍ଷେତ୍ରରେ ଏହାକୁ ଗିଳିବା ପାଇଁ ଚ୍ୟାଲେଞ୍ଜ ହୋଇପାରେ, ଯାହା ଔଷଧର କାର୍ଯ୍ୟକାରିତାରେ ସମସ୍ୟା ସୃଷ୍ଟି କରିପାରେ । ଶିଶୁ ରୋଗୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଫାର୍ମାସ୍ୟୁଟିକାଲ୍ କମ୍ପାନୀଗୁଡିକ ଶିଶୁଙ୍କ ପାଇଁ ଅନୁକୂଳ ଔଷଧର ବିକାଶ ପାଇଁ ଗବେଷଣା କରି ଆସୁଛନ୍ତି । ଚିକିତ୍ସାକୁ ଅଧିକ ସୁଦୃଢ଼ ଭାବରେ ପରିଚାଳନା କରିବା ସହ ଉନ୍ନତ ଫଳାଫଳକୁ ସୁନିଶ୍ଚିତ କରିବାକୁ ଏହି ଗବେଷଣାର ଲକ୍ଷ୍ୟ ରଖିଛି । ଏହି ଗବେଷଣାକୁ ଏବେ ଏକ ସଫଳତା ମିଳିଛି । ସ୍ୱତନ୍ତ୍ର ଭାବରେ ପିଲାମାନଙ୍କ ପାଇଁ ଉଦ୍ଦିଷ୍ଟ ହୋଇଥିବା ମୁଖ ଔଷଧକୁ ଅନୁମୋଦନ ମିଳିଛି ।
ଏହା ଶିଶୁଙ୍କ ଯକ୍ଷ୍ମା ଚିକିତ୍ସାରେ ଏକ ଗୁରୁତ୍ୱପୂର୍ଣ୍ଣ ମାଇଲଷ୍ଟୋନ୍ କହିଲେ ଭୁଲ୍ ହେବନି । ଯୁବ ଯକ୍ଷ୍ମା ରୋଗୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ବ୍ୟାପକ ଅନୁସନ୍ଧାନ ପରେ ଶେଷରେ ଏହି ଅନୁମୋଦନ ମିଳିଛି । ଶିଶୁଙ୍କ କ୍ଷେତ୍ରରେ ଦେଖା ଦେଉଥିବା ଯକ୍ଷ୍ମା ସହିତ ଜଡିତ ଜଟିଳ ସମସ୍ୟାର ସମାଧାନ ପାଇଁ ସରକାର, ସ୍ୱାସ୍ଥ୍ୟସେବା ସଂଗଠନ ଓ ଫାର୍ମାସ୍ୟୁଟିକାଲ୍ କମ୍ପାନୀର ମିଳିତ ପ୍ରୟାସରେ ଶେଷରେ ଏହାକୁ ଅନୁମୋଦନ ମିଳିଛି । ମିଳିତ ଭାବରେ କାର୍ଯ୍ୟ କରି, ବିଶ୍ୱ ସ୍ତରରେ ଶିଶୁଙ୍କୁ ଯକ୍ଷ୍ମାରୁ ଆରୋଗ୍ୟ କରାଇବା କ୍ଷେତ୍ରରେ ସଫଳତା ପାଇବା ପାଇଁ ବ୍ୟାପକ ରଣନୀତି ପ୍ରସ୍ତୁତ କରା ଯାଇପାରିବ ।
