ଫୁଲବାଣୀ: କନ୍ଧମାଳ ଜିଲ୍ଲା ସଦର ଥାନା ଅନ୍ତର୍ଗତ ଫୁଲବାଣୀ ଆଇ.ଟି.ଆଇ ପଛପଟେ ଗତ ଦିନରେ ଘଟିଥିବା ଜଣେ ନବମ ଶ୍ରେଣୀ ଛାତ୍ରୀ କବିତା କହଁର ହତ୍ୟା ଘଟଣାକୁ ଇତି ମଧ୍ୟରେ ଏକ ମାସ ବିତିଯାଇଥିଲେ ମଧ୍ୟ ଜିଲ୍ଲା ପୁଲିସ୍ ପ୍ରଶାସନର ଅବହେଳା ଓ ଘଟଣାକୁ ଚପାଇଦବେବାକୁ ଉଦ୍ୟମ ଚାଲିଥିବା ଅଭିଯୋଗ କରି ଗତ ତିନରେ ଏବିଭିପି ପକ୍ଷରୁ ଏକ ସାମ୍ମାଦିକ ସମ୍ମିଳନୀରେ ଅଭିଯୋଗ କରାଯାଇଥିବା ବେଳେ ଆଜି ପୂର୍ବ ନିଷ୍ପତ୍ତି ପ୍ରକାରେ ରାଜରାସ୍ତାକୁ ଓହ୍ଲାଇଛି କନ୍ଧମାଳ ଏବିଭିପି । ଶହ ଶହ ଛାତ୍ରଛାତ୍ରୀ ରାଜ ରାସ୍ତାକୁ ଓହ୍ଲାଇବା ସହିତ ବିକ୍ଷୋଭ ପ୍ରଦର୍ଶନ କରିଛନ୍ତି । ତୁରନ୍ତ ନ୍ୟାୟ ଦାବିରେ ଆଜି ଏସ୍ପି ଅଫିସ୍ ମଧ୍ୟ ଘେରାଉ କରିଥିଲେ । ସ୍ଥାନୀୟ ମାଦିକୁନ୍ଦ ଛକରୁ ଏକ ବିରାଟ ଶୋଭଯାତ୍ରରେ ବାହାରି ରାଜ୍ୟ ସରାକର , ଜିଲ୍ଲା ପ୍ରଶାସନ ଓ ଜିଲ୍ଲା ପୁଲିସ୍ ବିରୋଧରେ ବିଭିନ୍ନ ପ୍ରକାର ନାରାଦେବା ସହିତ ତୁରନ୍ତ ଅଭିଯୁକ୍ତଙ୍କୁ ଗିରଫ କରିବା ଦାବି କରିଥିଲେ ।
ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ପରେ ଏସ୍ପି କାର୍ଯ୍ୟାଳୟକୁ ଯାଇ ବିକ୍ଷୋଭ କରିଥିଲେ । ସେଠାରେ କିଛି ସମୟ ପାଇଁ ଛାତ୍ରଛାତ୍ରୀ ଓ ପୁଲିସ୍ କର୍ମଚାରୀଙ୍କ ମଧ୍ୟରେ ଠେଲାପେଲା ହୋଇଥିଲା । ଏବିଭିପିର ଜିଲ୍ଲା ପ୍ରମୁଖ ଶିବାଶିଷ୍ ପଣ୍ଡାଙ୍କ ନେତୃତ୍ୱରେ ରାଜ୍ୟ ସଂଯୋଜକ ସୌଭାଗ୍ୟ ମହାନ୍ତି , ଜିଲ୍ଲାସଂଯୋଜକ ଗୁରୁପ୍ରସାଦ ସେଠୀ , ଫୁଲବାଣୀ ନଗର ସହ ସଂପାଦକ ଅମିତ୍ ବେହେରା , ଏସ୍.ଏଫ୍.ସି ବିଭାଗ ପ୍ରମୁଖ ଦିବ୍ୟ ରଂଜନ ଡ଼ାକୁଆ , ଜିଲ୍ଲାସହ ସଂଯୋଜିକା ରାଜନ୍ଦିନୀ ସାହାଣୀ, ଫୁଲବାଣୀ ନଗର ସଂପାଦକ ତଅପୋଇ କହଁର , ମଧୁସୁଦନ ବେହେରା , ରଜତ ବେହେରା ଓ ଟିକାବାଲି ନଗର ସଂପାଦକ ରୁପାଲୀ ନାୟକ ପ୍ରମୁଖ ଏହାର ନେତୃତ୍ୱ ନେଇଥିବା ବେଳେ ଅନୁଷ୍ଠିତ ବିରାଟ ଶୋଭାଯାତ୍ରରେ ଶହ ଶହ ସଂଖ୍ୟରେ ଛାତ୍ରଛାତ୍ରୀ ମାନେ ହାତରେ ପ୍ଳାକାର୍ଡ଼ ଧରିଥିଲେ । ଛାତ୍ରୀ କବିତା ଦୁଷ୍କର୍ମ ଓ ହତ୍ୟା ମାମଲାରେ ପୁଲିସ୍ ଜାଣିଶୁଣି ଦୋଷୀ ମାନଙ୍କୁ ଘଣ୍ଟ ଘୋଡ଼ାଇଥିବା ଛାତ୍ରନେତା ଅଭିଯୋଗ କରିଛନ୍ତି ।
