ଜମିପାଇଁ ପଡ଼ୋଶୀକୁ କାଠ ଫାଳିଆରେ ପିଟିପିଟି ହତ୍ୟା

ରାଉରକେଲା: ସୁନ୍ଦରଗଡ଼ ଜିଲ୍ଲା ମହୁଲପଦା ଥାନା ହାତୀସଲ ଗାଁରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଏକ ବୀଭତ୍ସ ହତ୍ୟାକାଣ୍ଡ ଘଟିଛି। ସୂଚନା ଅନୁଯାୟୀ, ଜମି ପାଇଁ ବିଳମ୍ବିତ ରାତିରେ ପଡ଼ୋଶୀକୁ କାଠ ଫାଳିଆରେ ପିଟିପିଟି ହତ୍ୟା କରାଯାଇଛି। ଅଭିଯୁକ୍ତକୁ ପୁଲିସ ଥାନାରେ ଅଟକ ରଖି ଅଧିକ ପଚରାଉଚରା କରୁଛି। ମୃତକ ହେଲେ ଚଇତୁ ନାୟକ ଓ ଅଭିଯୁକ୍ତ ହେଲେ ଲକ ନାୟକ। ଉଭୟଙ୍କ ଭିତରେ ଜମିଜମାକୁ ନେଇ ଦୀର୍ଘଦିନ ଧରି ଗଣ୍ଡଗୋଳ ଲାଗିଥିଲା, ଯାହା ଗତ ବିଳମ୍ବିତ ରାତିରେ ତୀବ୍ର ରୂପ ନେଇଥିଲା। ଏହା ହତ୍ୟାକାଣ୍ଡର ରୂପ ନେଇଥିବା କୁହାଯାଉଛି। ମହୁଲପଦା ଥାନାର ଫୁଲଝରପଂଚାୟତର ହାତୀସଲ ଗ୍ରାମରେ ଜମିବିବାଦକୁ ନେଇ ଦୁଇ ପଡ଼ୋଶୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଲକ ନାୟକ କାଠ ଫାଳିଆରେ ଚଇତୁ ନାୟକକୁ ମରଣାନ୍ତକ ଆକ୍ରମଣ କରିଥିଲା। ଫଳରେ ଚଇତୁ ନାୟକର ମୃତ୍ୟୁ ହୋଇଥିଲା। ବଣାଇ ଏସ୍ଡ଼ିପିଓ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ହତ୍ୟାକାରୀ ଅଭିଯୁକ୍ତକୁ ଥାନାକୁ ଆଣି ଅଟକ ରଖିଛି। ଆଜି ସକାଳେ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଚଳାଇଛି।