ମଉସାକୁ ଶିଳପୁଆରେ ଛେଚି ହତ୍ୟା କଲା ପୁତୁରା

ସୁନ୍ଦରଗଡ: ସୁନ୍ଦରଗଡ଼ ଜିଲ୍ଲା ଚାନ୍ଦିପୋଷ ଥାନାର ହାତୀଆଡା ଗ୍ରାମରେ ମଉସାକୁ ଶିଳପୁଆରେ ଛେଚି ହତ୍ୟା କରିଛି ପୁତୁରା । ଦୀର୍ଘ ଦିନ ହେଲା ଜମିବାଡ଼ିକୁ କେନ୍ଦ୍ର କରି ଦୁଇ ପରିବାର ଭିତରେ କଳହ ଲାଗି ରହୁଥିଲା । ଗତକାଲି ମଉସା ଜୁହୁରୁ ମାଝୀ ଗାଁରେ ସାମୁହିକ କାର୍ଯ୍ୟରେ ଯୋଗ ଦେଇ ବିଳମ୍ବିତ ରାତିରେ ଫେରୁଥିବା ବେଳେ ପୁତୁରା ବିଜୟ ବାଗେ ତାଙ୍କ ଘର ନିକଟରେ ପହଞ୍ଚିଥିଲା । ପ୍ରଥମେ ଦୁଇ ଜଣଙ୍କ ମଧ୍ୟରେ ଝଗଡ଼ା ହୋଇଥିଲା । ପରେ ପୁତୁରା ଏକ ଶିଳପୁଆ ଆଣି ମଉସାକୁ ଛେଚି ଛେଚି ନିର୍ମମ ଭାବେ ହତ୍ୟା କରିଥିଲା । ସକାଳେ ଗାଁ ଲୋକ ଦେଖିବା ପରେ ପୋଳିସକୁ ଖବର ଦେଇଥିଲେ । ଚାନ୍ଦିପୋଷ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରି ପୁତୁରା ବିଜୟକୁ ଗିରଫ କରିଛି । ଏନେଇ ଅଧିକ ତଦନ୍ତ ଚଳାଇଛି ପୋଲିସ।

ଭାରତରେ ଆଗକୁ ଆସୁଛି ଆର୍ଥିକ ସଙ୍କଟ, ଖସିବ ଜିଡିପି ଅଭିବୃଦ୍ଧି ହାର