ଜୟପୁର: ବିବାହ ପାଇଁ ମନା କରିବାରୁ ଦିବ୍ୟାଙ୍ଗ ଯୁବତୀଙ୍କୁ ପ୍ରଥମେ ହତ୍ୟା କଲେ ଆଉ ତା ପରେ ମୃତଦେହକୁ ଗଛରେ ଟାଙ୍ଗିଦେଲେ । ରାଜସ୍ଥାନର ପ୍ରତାପଗଡ ଜିଲ୍ଲାରୁ ଏଭଳି ଏକ ସମ୍ବେଦନଶୀଳ ମାମଲା ସାମ୍ନାକୁ ଆସିଛି । ଯେଉଁଠାରେ ଅଭିଯୁକ୍ତ ଜଣକ ଜଣେ ଯୁବତୀ ତାଙ୍କୁ ବିବାହ କରିବାକୁ ମନା କରିବା ପରେ ହତ୍ୟା କରିଥିଲା। କେବଳ ଏତିକି ନୁହେଁ, ଏହା ପରେ ଅଭିଯୁକ୍ତ ଯୁବତୀର ମୃତଦେହକୁ ଗଛରେ ଟାଙ୍ଗି ଦେଇଥିଲା। ଏହି ମାମଲାରେ ପୁଲିସ ଜଣେ ଅଭିଯୁକ୍ତକୁ ଗିରଫ କରିଛି।
ପୁଲିସ ଅଧୀକ୍ଷକ ଅମିତ କୁମାର କହିଛନ୍ତି ଯେ ଅଭିଯୁକ୍ତ ଯୁବକ କୁଲଦୀପ ଗେହଲଟଙ୍କୁ ଗିରଫ କରାଯାଇଛି ଏବଂ ତାଙ୍କୁ ପଚରାଉଚରା କରାଯାଉଛି। ସେ କହିଛନ୍ତି ଯେ ଶୁକ୍ରବାର ଦିନ ମୃତକଙ୍କ ମାମୁଁ ଧାମୋତର ପୁଲିସ ଷ୍ଟେସନରେ ଅଭିଯୋଗ କରିଥିଲେ ଯେ ତାଙ୍କ ଦିବ୍ୟାଙ୍ଗ ଭାଣିଜୀ ଘରେ କାହାକୁ ନ ଜଣାଇ କୁଆଡେ ଚାଲିଯାଇଛନ୍ତି। ତେବେ ଶନିବାର ଦିନ ଦେବଗଡ ସର୍କଲ ପୁଲିସ ଷ୍ଟେସନର ଖୁଣ୍ଟଗଡ ଜଙ୍ଗଲରେ ଜଣେ ଯୁବତୀଙ୍କ ମୃତଦେହ ଗଛରେ ଝୁଲୁଥିବା ଦେଖିବାକୁ ମିଳିଥିଲା। ଏହା ସେହି ଯୁବତୀଙ୍କର ବୋଲି ଜଣାପଡିଥିଲା ।
ପୁଲିସ ଅଧୀକ୍ଷକ କହିଛନ୍ତି ଯେ ସାଇବର ସେଲ ସାହାଯ୍ୟରେ ସ୍ୱତନ୍ତ୍ର ପୋଲିସ ଟିମ୍ ପଚରାଉଚରା ପରେ ଅଭିଯୁକ୍ତ କୁଲଦୀପ ଗେହଲଟଙ୍କୁ ଗିରଫ କରିଛି। ସେ କହିଛନ୍ତି ଯେ ପଚରାଉଚରା ବେଳେ ଅଭିଯୁକ୍ତ ଜଣକ କହିଥିଲେ ଯେ ଘଟଣା ଦିନ ସେ ଯୁବତୀଙ୍କୁ ଖୁଣ୍ଟଗଡ ଜଙ୍ଗଲକୁ ନେଇ ଯାଇଥିଲେ। ଯେଉଁଠାରେ ସେ ବିବାହ ପାଇଁ ଯୁବତୀଙ୍କ ଉପରେ ଚାପ ପକାଉଥିଲେ । ଯେତେବେଳେ ସେ ବିବାହ ପାଇଁ ମନା କରିଦେଲେ, ଉଭୟଙ୍କ ମଧ୍ୟରେ ଝଗଡା ହୋଇଥିଲା। ଅଧିକାରୀଙ୍କ କହିବାନୁସାରେ, ଯୁବତୀ ଜଣକ ବିବାହ ପାଇଁ ମନା କରିବାରୁ ଏଥିରେ ରାଗିଯାଇ ଅଭିଯୁକ୍ତ ଜଣକ ନାବାଳିକାକୁ ଗଳା ଚିପି ହତ୍ୟା କରିଥିଲା ଏବଂ ତା’ପରେ ଶରୀରକୁ ଏକ ଗଛରେ ଟାଙ୍ଗି ଦେଇଥିଲା।
