ରାଜଧାନୀରେ ମର୍ଡର : ସ୍ୱାମୀ ମୃତ, ସ୍ତ୍ରୀ ଗୁରୁତର

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ହତ୍ୟାକାଣ୍ଡ ଘଟିଛି । ଦୁର୍ବୃତଙ୍କ ଛୁରା ମାଡରେ ସ୍ୱାମୀର ମୃତ୍ୟୁ ଘଟିଥିବା ବେଳେ ସ୍ତ୍ରୀ ଗୁରୁତର ଆହତ ହୋଇଛି । ପୋଲିସ ଶବ ଜବତ କରିବା ସହ ଆହତଙ୍କୁ ଉଦ୍ଧାର କରି ହସପିଟାଲରେ ଭର୍ତି କରିଛି । ତେବେ ହତ୍ୟାକାଣ୍ଡ କାହିଁକି ଓ କିଏ ଘଟାଇଲା ସେ ନେଇ ପୋଲିସ ତଦନ୍ତ ଆରମ୍ଭ କରିଛି । ସୋମବାର ସକାଳୁ ଖାରବେଳନଗର ଥାନା ଲୋୟର ପିଏମଜି ଛକ ନିକଟରେ ଥିବା ଏକ ଏଟିଏମ ସାମ୍ନାରେ ଜଣେ ବ୍ୟକ୍ତିର କ୍ଷତାକ୍ତ ମୃତଦେହ ପଡିଥିବା ବେଳେ ସ୍ତ୍ରୀ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିଲେ । ଲୋକେ ଦେଖି ପୋଲିସକୁ ଖବର ଦେଇଥିଲେ । ଖବରପାଇ ପୋଲିସ ପହଁଚି ଆହତଙ୍କୁ ଉଦ୍ଧାର କରି ହସପିଟାଲରେ ଭର୍ତି କରିଥିଲେ । ଏଥିସହିତ ଆହତ ମହିଳାଙ୍କ ଶିଶୁକୁ ପୋଲିସ ଉଦ୍ଧାର କରି ଚାଇଲ୍ଡଲାଇନକୁ ହସ୍ତାନ୍ତର କରିବା ସହ ଘଟଣାର ଛାନଭିନ ଆରମ୍ଭ କରିଛି । ପ୍ରାଥମିକ ତଦନ୍ତରୁ ଏହି ଦମ୍ପତି ସିଆରପି ଛକ ନିକଟରେ ରହୁଥିବା ପୋଲିସ ଜାଣିବାକୁ ପାଇଛି । ତେବେ ଏମାନେ ଲୋୟର ପିଏମଜି କାହିଁକି ଆସିଥିଲେ ଓ କିଏ ତାଙ୍କୁ ଆକ୍ରମଣ କଲା, ସେ ନେଇ ପୋଲିସ ତଦନ୍ତ କରୁଛି ।