ପିଲାକଳିକୁ ନେଇ ହତ୍ୟାକାଣ୍ଡ

ଢେଙ୍କାନାଳ : ଢେଙ୍କାନାଳ ସୁରପ୍ରତାପପୁର ଗ୍ରାମରେ ପିଲାକଳିକୁ ନେଇ ହତ୍ୟାକାଣ୍ଡ ଘଟି ଯାଇଛି । ଗ୍ରାମର ପୂର୍ବତନ ୱାର୍ଡ଼ ମେମ୍ବର ବିଜୟ ଗୁରୁ ସଂଘବଦ୍ଧ ଆକ୍ରମଣର ଶିକାର ହୋଇ ମୃତ୍ୟୁ ବରଣ କରିଛନ୍ତି । ଗତ ୨୫ ତାରିଖରେ ଏକ ପୂଜା ସମୟରେ ଭୋଗ ବଣ୍ଟନକୁ ନେଇ ବିଜୟ ଗୁରୁଙ୍କ ଝିଅକୁ କିଛି ସାଙ୍ଗ ଆକ୍ରମଣ କରିଥିଲେ । ପରେ ଏ ସମ୍ପର୍କରେ ସୁରପ୍ରତାପପୁର ଫାଣ୍ଡିରେ ସମାଧାନ ହୋଇଥିଲା । ତେବେ ପୂର୍ବ ରାଗରଖି ଆଜି ଭୋର ସମୟରେ ବିଜୟ ଗୁରୁ ନିଆଁ ପାଖରେ ବସିଥିବା ବେଳେ କିଛି ଲୋକ ସଂଘବଦ୍ଧ ଆକ୍ରମଣ କରିଥିଲେ । ଖବର ପାଇ ସୁରପ୍ରତାପପୁର ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ବିଜୟକୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ତେବେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ବିଜୟଙ୍କର ମୃତ୍ୟୁ ହୋଇ ଯାଇଛି । ପୋଲିସ ଭୁବନ ଥାନାରେ ୩ଜଣଙ୍କୁ ଅଟକ ରଖି ପଚରାଉଚରା ଚଳାଇଛି ।