ଆଶାକର୍ମୀଙ୍କ ନାବାଳିକା ଝିଅକୁ ଅପହରଣ ଅଭିଯୋଗ

ମୋହନା : ଗଜପତି ଜ଼ିଲ୍ଲା ଅଡବା ଗ୍ରାମରୁ ଜଣେ ନାବାଳିକାକୁ ଅପହରଣ କରାଯାଇଥିବା ଅଡ଼ବା ଥାନାରେ ଅଭିଯୋଗ ହୋଇଛି l ଅପହୃତା ନାବାଳିକା ଜଣକ ଅଡବା ଗ୍ରାମର ଆଶାକର୍ମୀ ମନୋରମା ମହାପାତ୍ରଙ୍କ ନାବାଳିକା ଝିଅ। ପୂର୍ବରୁ ନାବାଳିକା ଜଣକ ସହ ଅଡବା ଗ୍ରାମର ରମା ପ୍ରଧାନୀଙ୍କ ପୁଅ ଅଲେସ ପ୍ରଧାନୀଙ୍କ ପ୍ରେମ ସମ୍ପର୍କ ରହିଥିଲା ଏବଂ ଅଲେସ ପୂର୍ବରୁ ବାରମ୍ବାର ନାବାଳିକାର ମା’ଙ୍କୁ ନାନା ଧମକ ଚମକ ଦେଇଆସୁଥିଲା। ଜାନୁଆରୀ ୨୨ରେ ନାବାଳିକା ଜଣକୁ ଯୁବକ ଜଣକ ଘରୁ ଉଠାଉନେଇଥିବା ମନୋରମା ଅଡ଼ବା ଥାନାରେ ୨୩ ଜାନୁଆରୀରେ ଲିଖିତ ଅଭିଯୋଗ କରିଥିଲେ l କିନ୍ତୁ ବର୍ତ୍ତମାନ ପର୍ଯ୍ୟନ୍ତ ନାବାଳିକା ଜଣକର କୌଣସି ପତ୍ତା ମିଳିନଥିବା ଜଣାପଡିଛି। ଏନେଇ ବାରମ୍ବାର ମନରୋମା ଅଡବା ଥାନାକୁ ନ୍ୟାୟପାଇଁ ଦୌଡୁଛନ୍ତି କିନ୍ତୁ ଫଳ ଶୂନ l ଝିଅକୁ ଖୋଜି ବାହାର କରିବା ପାଇଁ ମନୋରମା ନିବେଦନ କରିଛନ୍ତି l ଏନେଇ ସେ ଗଜପତି ଆରକ୍ଷୀ ଅଧିକ୍ଷକଙ୍କ ସହ ଫୋନ ଯୋଗେ  ଯୋଗାଯୋଗ କରିବାରୁ ଅତିଶୀଘ୍ର ଝିଅକୁ ଖୋଜି ବାହାର କରିବା ପାଇଁ ଆରକ୍ଷୀ ଅଧିକ୍ଷକ ତପନ କୁମାର ପଟ୍ଟନାୟକ ପ୍ରତିଶୃତି ଦେଇଛନ୍ତି l