ରାଜଧାନୀରେ ଯୁବକଙ୍କୁ ଗୋଡାଇ ଗୋଡଇ ହତ୍ୟା

ଭୁବନେଶ୍ୱର: ଦିନକୁ ଦିନ ଅସୁରକ୍ଷିତ ପାଲଟୁଛି ରାଜଧାନୀ ଭୁବନେଶ୍ୱର । ଏହାସିହତ ଅପରାଧିକ କାର୍ଯ୍ୟକଳାପ ମଧ୍ୟ ବଢିବାରେ ଲାଗିଛି । ଦିନ ଦ୍ୱିପ୍ରହରରେ ରାଜଧାନୀରେ ଜଣେ ଯୁବକଙ୍କୁ ଗୋଡାଇ ଗୋଡାଇ ହତ୍ୟା କରିଛନ୍ତି ଦୁର୍ବୃତ୍ତ । ନୟାପଲ୍ଲୀ ଭିଆଇପି ଅଂଚଳରେ ଜଣେ ପିକଅପ ଭ୍ୟାନ ଡ୍ରାଇଭରଙ୍କୁ ମାରଣାସ୍ତ୍ରରେ ହାଣି ହତ୍ୟା କରିଥିବା ଖବର ଏବେ ଚାଂଚଲ୍ୟ ଖେଳାଇଛି । ଗୁରୁତର ଅବସ୍ଥାରେ ପୋଲିସ ଉକ୍ତ ଯୁବକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ମାତ୍ର ହସ୍ପିଟାଲରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏଭଳି ଲୋମହର୍ଷଣକାରୀ ହତ୍ୟାକାଣ୍ଡ ପରେ ପୋଲିସ ବର୍ତମାନ ୨ ଅଭିଯୁକ୍ତଙ୍କୁ କାବୁ କରି ଅଟକ ରଖିଛି । ମୃତକ ଏବଂ ହତ୍ୟାକାରୀ ଗୋଟିଏ ଗାଡିରେ ଥିଲେ ବୋଲି ଡିସିପି କହିଛନ୍ତି ।