କଳାହାଣ୍ଡି : ବଜ୍ରାଘାତରେ ନାବାଳିକାଙ୍କ ମୃତ୍ୟୁ। କଳାହାଣ୍ଡି ଜିଲ୍ଲା କୋକସରା ବ୍ଲକ ସାନ ପୋଡ଼ାଗୁଡା ଗ୍ରାମରେ ଜଣେ ନାବାଳିକାଙ୍କ ବଜ୍ରାଘାତରେ ମୃତ୍ୟୁ ହୋଇଛି। ଶବ ଜବତ କରି ପୋଲିସ ବ୍ୟବଚ୍ଛେଦ ପାଇଁ ପଠାଇଛି। ସୂଚନାନୁଯାୟୀ, ସାନ ପୋଡ଼ାଗୁଡା ଗ୍ରାମର ତରୁଣ ବାଗଙ୍କ ନାବାଳିକା ଝିଅ ଶନିବାର ସନ୍ଧ୍ୟାରେ ଗାଁ ନିକଟରେ ଥିଲା। ଅପରାହ୍ନରେ ଘଡଘଡି ସହ ବର୍ଷା ହୋଇଥିଲା। ଏହି ସମୟରେ ନାବାଳିକା ଉପରେ ବଜ୍ରପାତ ହେବାରୁ ଘଟଣାସ୍ଥଳରେ ତାର ମୃତ୍ୟୁ ହୋଇଥିଲା। ନାବାଳିକା ଝିଅ ଅଷ୍ଟମ ଶ୍ରେଣୀରେ ପଢ଼ୁଥିବା ଜଣାପଡିଛି। ଘଟଣା ପରେ ସ୍ଥାନୀୟ ଗ୍ରାମବାସୀ ଏନେଇ ଗତକାଲି ସନ୍ଧ୍ୟାରେ ଆମପାଣି ପୁଲିସକୁ ଖବର ଦେଇଥିଲେ। ପୋଲିସ ଆଜି ସକାଳେ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନାକୁ ପଠାଇ ତଦନ୍ତ ଜାରି ରଖିଛି।
