ନୂଆଦିଲ୍ଲୀ: ପଶ୍ଚିମବଙ୍ଗରେ ୪ର୍ଥ ପର୍ଯ୍ୟାୟ ନିର୍ବାଚନ ୧୦ ଏପ୍ରିଲରେ ଅନୁଷ୍ଠିତ ହେବ । ଏହି ପର୍ଯ୍ୟାୟରେ ମମତା ବାନାର୍ଜୀଙ୍କ କ୍ୟାବିନେଟର ଜଣେ ମନ୍ତ୍ରୀ ଭାରତୀୟ ଜନତା ପାର୍ଟିଙ୍କ ଟିକଟରେ ନିର୍ବାଚନ ଲଢୁଛନ୍ତି । ଅନ୍ୟପଟେ ଆଉ ଜଣେ ମନ୍ତ୍ରୀ କଂଗ୍ରେସ ଟିକଟରେ ନିର୍ବାଚନ ମଇଦାନରେ ତୃଣମୂଳ କଂଗ୍ରେସ ବିପକ୍ଷରେ ଲଢୁଛନ୍ତି ।
ମମତା ବାନାର୍ଜୀଙ୍କ କ୍ୟାବିନେଟରେ ଜଙ୍ଗଲ ମନ୍ତ୍ରୀ ରହିଥିବା ରାଜୀବ ବାନାର୍ଜୀ ନିର୍ବାଚନ ଘୋଷଣା ପୂର୍ବରୁ ଭାଜପାରେ ସାମିଲ ହୋଇଥିଲେ ଓ ହାଓଡା ଜିଲ୍ଲାର ଡୋମଜୁର ନିର୍ବାଚନ ଲଢୁଛନ୍ତି । କ୍ରିକେଟର ଲକ୍ଷ୍ମୀରତନ ଶୁକ୍ଳା ଏହି ଜିଲ୍ଲାରୁ ବିଧାୟକ ହୋଇଥିଲେ । ମମତା ବାନାର୍ଜୀ ତାଙ୍କୁ କ୍ରୀଡା ମନ୍ତ୍ରୀର ଦାୟିତ୍ୱ ଦେଇଥିଲେ ।
ଲକ୍ଷ୍ମୀରତନ ଶୁକ୍ଳା ନିର୍ବାଚନ ପୂର୍ବରୁ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ । କୁହାଯାଉଛି ଯେ, ଶୁକ୍ଳା ବି ଭାଜପାରେ ସାମିଲ ହେବେ । ହାଓଡା ଜିଲ୍ଲାରୁ ମମତାଙ୍କ କ୍ୟାବିନେଟରେ ୩ ମନ୍ତ୍ରୀ ଥିଲେ । ସେମାନଙ୍କ ମଧ୍ୟରୁ କେବଳ ଅରୁପ ରାୟ ବିଧାନସଭା ନିର୍ବାଚନ ଲଢୁଛନ୍ତି ।
ହୁଗୁଳୀ ଜିଲ୍ଲାରୁ ବି ମମତା ୩ ବିଧାୟକଙ୍କୁ ମନ୍ତ୍ରୀ କରିଥିଲେ । ସେମାନଙ୍କ ମଧ୍ୟରୁ ଜଣେ ଅବଦୁଲ ମନ୍ନାନ ଚଳିତ ଥର ଚାମ୍ପଦାନୀରୁ ନିର୍ବାଚନ ଲଢୁଛନ୍ତି । ସେ କଂଗ୍ରେସ ଟିକେଟରୁ ତୃଣମୂଳ କଂଗ୍ରେସକୁ ଟକ୍କର ଦେଉଛନ୍ତି । ତୃଣମୂଳ ଚାମ୍ପଦାନୀରୁ ଅବଦୁଲ୍ଲା ମନ୍ନାନଙ୍କ ସ୍ଥାନରେ ଅରିନ୍ଦମ ଗାଇନଙ୍କୁ ନିଜ ପ୍ରାର୍ଥୀ କରିଛି ।
ମମତା ବାନାର୍ଜୀଙ୍କ କ୍ୟାବିନେଟର ଜଣେ ମନ୍ତ୍ରୀ ଭାଜପା ଏବଂ ଅନ୍ୟ ଜଣେ କଂଗ୍ରେସରୁ ଲଢୁଛନ୍ତି ନିର୍ବାଚନ
