ନୂଆଦିଲ୍ଲୀ : ୟୁକେରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ବ୍ରିଟେନର ପେମ୍ବ୍ରୋକେସିରେ ଥିବା ଏକ ପୁରୁଣା ଖାଦ୍ୟ ବିଭାଗ ଷ୍ଟୋର ବିଲଡିଂ ତଳେ ୩୦୦ କଙ୍କାଳ ମିଳିଛି, ଯାହା ଆଲୋଡ଼ନ ସୃଷ୍ଟି କରିଛି। ଏଥି ସହିତ କିଛି ଲୋକ ଏହାକୁ ମହା କବର ବୋଲି କହିଛନ୍ତି। ବିଲଡିଂରେ ନିର୍ମାଣ କାର୍ୟ୍ୟ ଚାଲିଥିଲା, ଯେଉଁଥିରେ ଶ୍ରମିକମାନେ କଙ୍କାଳ ପାଇଥିଲେ । ଦ ସନ୍ରେ ପ୍ରକାଶିତ ରିପୋର୍ଟ ଅନୁଯାୟୀ ପ୍ରତ୍ନତତ୍ତ୍ୱବିତ ମାନେ ଉକ୍ତ ସ୍ଥାନରେ ପହଞ୍ଚି ତଦନ୍ତ ଚଳାଇଛନ୍ତି । ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ୩୦୦ କଙ୍କାଳର ପ୍ରାୟ ଅଧା ଅଂଶ ଶିଶୁମାନଙ୍କର ଅଟେ। ଐତିହାସିକମାନେ ବିଶ୍ୱାସ କରନ୍ତି ଯେ ପ୍ରାଚୀନ ଶ୍ମଶାନ ୬୦୦ ବର୍ଷରୁ ଅଧିକ ପୁରୁଣା ।
ଡିଫେଡ୍ ପ୍ରତ୍ନତାତ୍ତ୍ୱିକ ଟ୍ରଷ୍ଟର ସାଇଟ୍ ସୁପରଭାଇଜର ଆଣ୍ଡ୍ରିୟୁ ଶୋବ୍ରୋକ୍ କହିଛନ୍ତି ଯେ ସମାଧି ପାଇଁ ଏହା ଏକ ସମ୍ମାନଜନକ ସ୍ଥାନ ହୋଇଥଲା। ତେବେ ପ୍ରାଚୀନ କାଳରେ ଏହି ସ୍ଥାନଟି କିପରି ବ୍ୟବହୃତ ହୋଇଥିଲା ସେ ସମ୍ବନ୍ଧରେ ଅନ୍ୟ ତତ୍ତ୍ୱ ଗୁଡିକ ଅନୁସନ୍ଧାନ କରାଯାଉଛି । ଉଲ୍ଲେଖନୀୟ କଥା ହେଉଛି, ଏକବିଂଶ ଶତାବ୍ଦୀର ପ୍ରାରମ୍ଭରେ ୱେଲ୍ସ ପ୍ରିନ୍ସ ଓଭେନ ଗ୍ଲାଇଣ୍ଡର ସହର ଉପରେ ଆକ୍ରମଣ କରିବା ପରେ ଉକ୍ତ ସ୍ଥାନରେ ଏକ ଜନ ସମାଧି ନିର୍ମାଣ ହୋଇଥାଇପାରେ। ଏଥି ସହିତ, ମେଲଅନଲାଇନର ରିପୋର୍ଟ ଅନୁଯାୟୀ, ଏହା ସମ୍ଭବ ଯେ ଏହି ସ୍ଥାନଟି ଅଷ୍ଟାଦଶ ଶତାବ୍ଦୀ ପର୍ୟ୍ୟନ୍ତ ସମାଧି ପାଇଁ ବ୍ୟବହୃତ ହୋଇଥିଲା । ସାଇଟ୍ ସୁପରଭାଇଜର ଆଣ୍ଡ୍ରିୟୁ ଶୋବ୍ରୋକ୍ କହିଛନ୍ତି ୧୪୦୫ ମସିହାରେ ଓଭେନ ଗ୍ଲେଣ୍ଡରଙ୍କ ଦ୍ୱାରା ସହର ଆକ୍ରମଣ କରିଥିଲା ଏବଂ ଏଥିରେ ବହୁ ସଂଖ୍ୟକ ଲୋକଙ୍କର ମୃତ୍ୟୁ ଘଟିଥିଲା। ପ୍ରତ୍ନତତ୍ତ୍ୱବିତ୍ମାନଙ୍କର ଏକ ଦଳ ଅନୁସନ୍ଧାନ କରୁଛନ୍ତି। ଏଥି ସହିତ ପ୍ରତ୍ନତତ୍ତ୍ୱବିତ୍ ଗାବି ଲେଷ୍ଟର କହିଛନ୍ତି ଯେ ମୁଁ ମୋର ସ୍ୱପ୍ନରେ କେବେ ଭାବି ନ ଥିଲି ଯେ ମୁଁ ଏତେ ବଡ଼ ଅନୁସନ୍ଧାନରେ ଜଡିତ ହୋଇପାରିବି।
‘ମହା କବର’: ବିଲଡିଂ ତଳୁ ମିଳିଲା ୩୦୦ ପୁରୁଷ କଙ୍କାଳ
