ସ୍ୱଚ୍ଛତାର ଡିଣ୍ଡିମ ପିଟୁଥିବା ମୁଖ୍ୟମନ୍ତ୍ରୀ ନବୀନ ବାବୁଙ୍କ ରାଜ୍ୟରେ ଏବଂ ତାଙ୍କ ନାକ ତଳେ ଦେଶର ସର୍ବବୃହତ କଳାଟଙ୍କା ଜବତ କରାଯାଉଛି
ଏଭଳି ଦୁର୍ଭାଗ୍ୟପୂର୍ଣ୍ଣ ଓ ଲଜ୍ଜ୍ୟାଜନକ ଘଟଣାରେ ମୁଖ୍ୟମନ୍ତ୍ରୀ କାହିଁକି ନୀରବ ଅଛନ୍ତି?
କଂଗ୍ରେସ ସାଂସଦ ଧୀରଜ ସାହୁଙ୍କ କଳା ସାମ୍ରାଜ୍ୟକୁ ସଂରକ୍ଷଣ ଦେଉଥିଲେ ବିଜେଡି ସରକାର
ଅଣଓଡ଼ିଆ ବ୍ୟବସାୟୀମାନେ ଓଡ଼ିଶାର ଖଣି ଓ ଚିଟ୍ଫଣ୍ଡ ଟଙ୍କାକୁ ଲୁଟ୍ କରିଥିଲେ, କିନ୍ତୁ ଏବେ ଅଣଓଡିଆ ମଦ ବେପାରୀମାନେ ଓଡ଼ିଶାକୁ ଲୁଟ୍ କରୁଛନ୍ତି
କେନ୍ଦ୍ରୀୟ ଏଜେନ୍ସି ଯଦି ଗଚ୍ଛିତ ଥିବା କଳା ଟଙ୍କା ଖବର ପାଇପାରିଲା; ତାହେଲେ ଓଡ଼ିଶା ପୋଲିସ, ଗୋଇନ୍ଦା ଓ ଇଓଡବ୍ଲ୍ୟୁ ଜାଣିନପାରିବା ଅତ୍ୟନ୍ତ ଲଜ୍ଜ୍ୟାଜନକ
ଜେଡି ନେତାଙ୍କ ସହ “ସାହୁ ବ୍ରଦର୍ସ ଆଣ୍ଡ କୋ”ର ସମ୍ପର୍କ କଣ, ଏହା ତଦନ୍ତ ସାପେକ୍ଷ
“ସିବିଆଇ ତଦନ୍ତ” ହେଲେ ସତ୍ୟାସତ୍ୟ ସାମ୍ନାକୁ ଆସିବ
ଭୁବନେଶ୍ୱର : ଝାଡଖଣ୍ଡର କଂଗ୍ରେସ ସାଂସଦ ଧୀରଜ ସାହୁ ଓ ତାଙ୍କ ସହଯୋଗୀଙ୍କ ବିଭିନ୍ନ ଠିକଣାରେ ଆୟକର ବିଭାଗ ଚଢ଼ାଉ ସମୟରେ ଜବତ ହୋଇଥିବା କଳା ଟଙ୍କାର ପରିମାଣ ୫୦୦ କୋଟି ଟପିପାରେ ବୋଲି ଆକଳନ କରାଯାଉଛି । ଯେତେ ଗଣିଲେ ବି ସରୁନାହିଁ । ଚଢାଉର ଚତୁର୍ଥ ଦିନରେ ଟଙ୍କା ଗଣା ଚାଲିଛି । ସାରା ଦେଶରେ ଥରକେ ଏତେ କଳା ଟଙ୍କା ଜବତ ପ୍ରଥମ ଘଟଣା । ଟଙ୍କା ଗଣି ଗଣି ବ୍ୟାଙ୍କ ଓ ଆଇଟି ଅଧିକାରୀ ହାଲିଆ ହେଲେଣି । କଂଗ୍ରେସ ସାଂସଦ ଧୀରେଜ ସାହୁଙ୍କ କଳା ସାମ୍ରାଜ୍ୟକୁ ସଂରକ୍ଷଣ ଦେଉଥିଲେ ବିଜେଡି ସରକାର । ଏହି ଧୀରଜ ସାହୁ କଂଗ୍ରେସ ନେତା ରାହୁଳ ଗାନ୍ଧୀଙ୍କର ବେଶ ଘନିଷ୍ଠ ଓ ‘ଭାରତ ଯୋଡ’ ଯାତ୍ରାରେ ମଧ୍ୟ ତାଙ୍କ ସହ ସାମିଲ ହୋଇଥିଲେ । ଅଣଓଡ଼ିଆ ବ୍ୟବସାୟୀମାନେ ଓଡ଼ିଶାର ଖଣି ଓ ଚିଟ୍ଫଣ୍ଡ ଟଙ୍କାକୁ ଲୁଟ୍ କରିଥିଲେ । କିନ୍ତୁ ଏବେ ଅଣଓଡିଆ ମଦ ବେପାରୀମାନେ ଓଡ଼ିଶାକୁ ଲୁଟ୍ କରୁଛନ୍ତି ବୋଲି ରାଜ୍ୟ ସଭାପତି ଶ୍ରୀ ମନମୋହନ ସାମଲ କହିଛନ୍ତି ।
ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଶ୍ରୀ ସାମଲ କହିଛନ୍ତି ଯେ, ଦୀର୍ଘ ୨୪ଧରି ଓଡିଶାରେ “ଙ.ଝ. (ଙଙ୍କଗ୍ଧ ଝଗ୍ଧସକ୍ଷକ୍ଷ) ଝଷକ୍ଟକ୍ଟ୍ର” ର “ରି-ଅକ୍ସନ କିମ୍ବା ରି-ଟେଣ୍ଡର” କାହିଁକି ହେଉନାହିଁ । ଙ.ଝ. ଝଷକ୍ଟକ୍ଟ୍ର “ଊରମଳ” କାହିଁକି ଯାଂଚ୍ କରାଯାଉ ନାହିଁ ? କାହା ସ୍ୱାର୍ଥରେ ଏ ମନମାନି ? ଙ.ଝ. ଝଷକ୍ଟକ୍ଟ୍ର ଗୁଡିକ କେତେ ପରିମାଣରେ ବେଆଇନ ମଦ ତିଆରି କରି ବିକ୍ରି କରୁଛନ୍ତି ତାହାର ହିସାବ ସରକାରଙ୍କ ପାଖରେ ଅଛି ତ? ଜାତୀୟ ଗଣମାଧ୍ୟମରେ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଥିବା ଏହି ଜବତ କଳାଟଙ୍କା କାହାର? ଏତେ ଟଙ୍କା କେଉଁଠୁ ଆସିଲା? ଓଡ଼ିଶାରେ ଗୋଟିଏ ଜାଗାରେ କାହିଁକି ଠୁଳ ହେଲା? ବାର୍ଷିକ ୧୨୦କୋଟି ଟଙ୍କାର ବ୍ୟବସାୟର କରୁଥିବା “ସାହୁ ବ୍ରଦର୍ସ ଆଣ୍ଡ କୋ”ଙ୍କ ନିକଟରୁ ଏତେ ଟଙ୍କା ଆସିଲା କେଉଁଠୁ? ଜବତ ହୋଇଥିବା ଏହି କଳା ଟଙ୍କା “ସାହୁ ବ୍ରଦର୍ସ ଆଣ୍ଡ କୋ”ର ନିଜସ୍ୱ ନାଁ ଆଉ କାହାର କଳା ଟଙ୍କା ସାମିଲ ଅଛି? ଝାଡଖଣ୍ଡର ନେତା ଓ ବ୍ୟବସାୟୀ ଓଡ଼ିଶାରେ ଏତେ ଟଙ୍କା ଜମା ରଖିଲେ କାହିଁକି? କେନ୍ଦ୍ରୀୟ ଏଜେନ୍ସି ଯଦି ଏହାର ଖବର ପାଇପାରିଲା ଓଡ଼ିଶା ପୋଲିସ, ଗୋଇନ୍ଦା ଓ ଇଓଡବ୍ଲ୍ୟୁ ଏହି ଖବର ଜାଣିନପାରିବା ଅତ୍ୟନ୍ତ ଲଜ୍ଜ୍ୟାଜନକ ବୋଲି ଶ୍ରୀ ସାମଲ କହିଛନ୍ତି ।
“ସାହୁ ବ୍ରଦର୍ସ ଆଣ୍ଡ କୋ”ର ଓଡ଼ିଶାରେ କଳାଧନ ସାମ୍ରାଜ୍ୟ । ସ୍ୱଚ୍ଛତାର ଡିଣ୍ଡିମ ପିଟୁଥିବା ମୁଖ୍ୟମନ୍ତ୍ରୀ ନବୀନ ବାବୁଙ୍କ ରାଜ୍ୟରେ ଏବଂ ତାଙ୍କ ନାକ ତଳେ ଦେଶର ସର୍ବବୃହତ କଳାଟଙ୍କା ଜବତ କରାଯାଊଛି । ଏଭଳି ଘଟଣା ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ ଓ ଲଜ୍ଜ୍ୟାଜନକ ହୋଇଥିବାବେଳେ ବର୍ତମାନ ସୁଦ୍ଧା ମୁଖ୍ୟମନ୍ତ୍ରୀ କାହିଁକି ନୀରବ ଅଛନ୍ତି? ମୁଖ୍ୟମନ୍ତ୍ରୀଙ୍କ ନୀରବତା ବହୁ ପ୍ରଶ୍ନବାଚୀ ସୃଷ୍ଟି କରିଛି? ନବୀନ ବାବୁ ଆଜି ପର୍ଯ୍ୟନ୍ତ “ସାହୁ ବଦର୍ସ ଆଣ୍ଡ କୋ” ଏବଂ ତାଙ୍କଠାରେ ଗଚ୍ଛିତ କଳାଟଙ୍କାକୁ ସୁରକ୍ଷା ଦେଇନାହାନ୍ତି ତ? ରାଜ୍ୟ ସରକାର ରାଜ୍ୟର ଛୋଟସ୍ତରର କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ବାହାଦୁରୀ ମାରୁଛନ୍ତି । କିନ୍ତୁ ଅନୈତିକ ଭାବେ ଗଚ୍ଛିତ କଳାଟଙ୍କା ବିଷୟରେ ଜାଣିପାରିଲେ ନାହିଁ ! ଏହା ଅତ୍ୟନ୍ତ ହାସ୍ୟାସ୍ପଦ । ଶାସକ ବିଜେଡିର ଅନେକ ନେତା ଓ ମନ୍ତ୍ରୀ “ସାହୁ ବ୍ରଦର୍ସ ଆଣ୍ଡ କୋ” ସହ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିବା ଖବର ଆସିଛି । ଫଟୋ ମଧ୍ୟ ପ୍ରକାଶ ପାଇଛି । ବିଜେଡି ନେତାଙ୍କ ସହ “ସାହୁ ବ୍ରଦର୍ସ ଆଣ୍ଡ କୋ”ର ସମ୍ପର୍କ କଣ, ଏହା ତଦନ୍ତ ସାପେକ୍ଷ । “ସିବିଆଇ ତଦନ୍ତ” ହେଲେ ସତ୍ୟାସତ୍ୟ ସାମ୍ନାକୁ ଆସିବ ।
ଦେଶବାସୀଙ୍କୁ ବିକାଶର ଗ୍ୟାରେଂଟି ଦେଉଥିବା ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଦୁର୍ନୀତିଗ୍ରସ୍ତ ଲୋକଙ୍କ ଠାରୁ ଗୋଟି ଗୋଟି ଟଙ୍କା ଅସୁଲ କରିବାର ଗ୍ୟାରେଂଟି ଦେଉଛନ୍ତି । ଯଦି ମୁଖ୍ୟମନ୍ତ୍ରୀ ନିଜେ ସ୍ୱଚ୍ଛ ବୋଲି ଡିଣ୍ଡିମ ପିଟୁଛନ୍ତି ତାହାଲେ ନିଜର ଓ ଦଳର ସ୍ୱଚ୍ଛତା ଏବଂ ଓଡ଼ିଶାର ସ୍ୱାର୍ଥ ପାଇଁ ଏଭଳି କଳାକାରନାମାର “ସିବିଆଇ” ଦ୍ୱାରା ତଦନ୍ତ କରନ୍ତୁ । ଦୁର୍ନୀତି, ବ୍ୟଭିଚାର, ଭ୍ରଷ୍ଟାଚାରରେ ରାଜ୍ୟ ସରକାର ନମ୍ବର ୧ଥିବାବେଳେ ଏବେ “କଳାଟଙ୍କା”ରେ ମଧ୍ୟ ରାଜ୍ୟ ସରକାର ୧ନଂ । ଏ ଘଟଣା ଓଡ଼ିଶାର ସମସ୍ତଙ୍କ ମନରେ ଦୁଃଖ ଦେଇଛି । ଯେଉଁ ବ୍ୟକ୍ତି ଏହି କଳାଟଙ୍କାରେ ସାମିଲ ଅଛନ୍ତି ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଶ୍ରୀ ସାମଲ ଦାବି କରିଛନ୍ତି । ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ଉପସଭାପତି ବିରଂଚି ନାରାୟଣ ତ୍ରିପାଠୀ, ରାଜ୍ୟ ଗଣମାଧ୍ୟମ ମୁଖ୍ୟ ଦିଲୀପ ମଲ୍ଲିକ, ରାଜ୍ୟ ସାମାଜିକ ଗଣମାଧ୍ୟମ ମୁଖ୍ୟ ଉମାକାନ୍ତ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।
