ମୁମ୍ବାଇ : ପର୍ଣ୍ଣଗ୍ରାଫି କେସ୍ରେ ଜେଲ୍ରେ ଅଛନ୍ତି ରାଜ କୁନ୍ଦ୍ରା । ଏନେଇ ପତ୍ନୀ ହୋଇଥିବା ଯୋଗୁଁ ଶିଳ୍ପା ସେଟ୍ଟୀ ମଧ୍ୟ ଅନେକ ପ୍ରଶ୍ନବାଣର ସାମ୍ନା କରିଛନ୍ତି। ଏବେ କିନ୍ତୁ ସ୍ୱାମୀଙ୍କୁ ନେଇ ଚିନ୍ତିତ ହୋଇପଡିଛନ୍ତି ପତ୍ନୀ ଶିଳ୍ପା। ସେ ସୋସିଆଲ ମିଡିଆରେ ଏକ ଫଟୋ ପେଷ୍ଟ କରି ବିଶ୍ୱାସ ରଖିବା ନେଇ ବାର୍ତ୍ତା ଦେଇଛନ୍ତି। ଶିଳ୍ପା ତାଙ୍କ ଇନଷ୍ଟାଗ୍ରାମରେ ବର୍ଟେଣ୍ଡ ରସେଲଙ୍କ ବହିର ଏକ ଅଂଶ ପୋଷ୍ଟ କରିଛନ୍ତି। ଏଥିରେ ବିଶ୍ୱାସକୁ ନେଇ ଏକ ପଂକ୍ତି ଲେଖା ଅଛି। ଏଥିରେ କୁହାଯାଇଛି ଯେ, ବିଶ୍ୱାସ କରିବା ପାଇଁ ଇଚ୍ଛାଶକ୍ତି ନୁହେଁ ଆମର ଇଚ୍ଛା ଥିବା ଦରକାର ।
ଶିଳ୍ପା ଏହାକୁ ପୋଷ୍ଟ କରି ଲେଖିଛନ୍ତି, ‘ବିଶ୍ୱାସ କଳ୍ପନାର ଏକ ଅଂଶ। ପ୍ରକୃତ ବିଶ୍ୱାସ ତୁମର ସନ୍ଧାନ ଉପରେ ଆଧାରିତ । ଜୀବନର କଠିନ ପ୍ରଶ୍ନର ଉତ୍ତର ଖୋଜୁଛି …। ମୋର ବିଶ୍ୱାସ ମୋତେ ମୋର ଜ୍ଞାନ ଆହୁରି ବଢ଼ାଇବାକୁ ପ୍ରେରଣା ଦେଇଥାଏ।’ ଶିଳ୍ପାଙ୍କ ଏହି ଇନ୍ଷ୍ଟାଗ୍ରାମ ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହା ପୂର୍ବରୁ ଶିଳ୍ପା ତାଙ୍କ ସୋଶାଲ ମିଡିଆ ହ୍ୟାଣ୍ଡେଲରେ ନିଜର ଏକ ଯୋଗ ଭିଡିଓ ସେଆର କରିଥିଲା। ଏଥିସହ କ୍ୟାପସନରେ ଲେଖିଥିଲେ, ‘ନିଜ ପାଇଁ ନିଜେ ଯୋଦ୍ଧା ହୁଅ, ଫଳରେ ତୁମେ ତୁମ ଜୀବନର ସକରାତ୍ମକ ପରିବର୍ତ୍ତନକୁ ରକ୍ଷା କରିବାରେ ସକ୍ଷମ ହୋଇପାରିବ।’
ନିକଟରେ କିଛି ଦିନର ବ୍ରେକ ପରେ ଶିଳ୍ପା ସେଟ୍ଟୀ ସୁଟିଂ ସେଟ୍କୁ ଫେରିଛନ୍ତି। ସେ ସୋନି ଟିଭିରେ ପ୍ରସାରିତ ଡ୍ୟାନ୍ସିଂ ରିଆଲିଟି ଶୋ’ ସୁପର ଡ୍ୟାନ୍ସର-୪ରେ ଜଜ୍ ରୂପେ କମ୍ବ୍ୟାକ୍ କରିଛନ୍ତି। ରାଜ କୁନ୍ଦ୍ରା ଗିରଫ ପରେ ସେ ଏହି ଶୋ’ରୁ ବ୍ରେକ ନେଇଥିଲେ। ସୂଚନା ଯେ, ଗତ ଜୁଲାଇ ମାସରୁ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସହ ତାଙ୍କ ପରିବାର ମଧ୍ୟ ବଡ ସମସ୍ୟା ଦେଇ ଗତି କରୁଛି । ଶିଳ୍ପାଙ୍କ ସ୍ବାମୀ ରାଜ୍ କୁନ୍ଦ୍ରାଙ୍କୁ ପର୍ଣ୍ଣୋଗ୍ରାଫି ମାମଲାରେ ପୋଲିସ୍ ଗିରଫ କରି ହେପାଜରେ ରଖିଛି । ଏନେଇ ଶିଳ୍ପା ଖୁବ୍ ଟ୍ରୋଲ ହେବା ସହ ଚର୍ଚ୍ଚାରେ ଥିଲେ । ସ୍ୱାମୀଙ୍କ ବିରୋଧରେ ଏହି ଅଭିଯୋଗ ଯୋଗୁଁ ଶିଳ୍ପା ସୋସିଆଲ ମିଡିଆ ଓ ଟିଭି ସୋ ସୁପର ଡ୍ୟାନ୍ସରୁ ବିରତି ନେଇଥିଲେ । ତେବେ ଏହି ମାମଲାର ପ୍ରାୟତଃ ଏକ ମାସ ପରେ ଶିଳ୍ପା ଡ୍ୟାନ୍ସ ରିଆଲିଟି ଶୋ ‘ସୁପର ଡ୍ୟାନ୍ସର ଚ୍ୟାପ୍ଟର -୪’ କୁ ଫେରିଥିଲେ । ସେଟକୁ ଆସିବାର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲା । ରାଜ କୁନ୍ଦ୍ରାଙ୍କ ଗିରଫ ପରେ ଶିଳ୍ପା ସୋସିଆଲ ମିଡିଆରେ ଏକ ଅଜବ ପୋଷ୍ଟ ସେୟାର କରିଛନ୍ତି ।
