ନୂଆଦିଲ୍ଲୀ : ଆମେରିକା ଲସ ଆଞ୍ଜେଲସରେ ଗତ ୬ ଦିନ ଧରି ଲାଗି ରହିଥିବା ଭୟାବହ ଅଗ୍ନିକାଣ୍ଡ ଯୋଗୁଁ ପ୍ରଳୟଙ୍କାରୀ ସ୍ଥିତି ଉପୁଜିଛି । ଜଙ୍ଗଲରୁ ବ୍ୟାପିଥିବା ନିଆଁ ଆବାସିକ ସମ୍ଭ୍ରାନ୍ତ ଅଞ୍ଚଳକୁ ପୋଡି ପାଉଁଶ କରିଦେଇଛି । ଆଗକୁ ସ୍ଥିତି ଆହୁରି ଖରାପ ହେବ ବୋଲି ଲସଆଞ୍ଜେଲସ କର୍ତ୍ତୁପକ୍ଷ ଚେତାବନୀ ଦେଇଛନ୍ତି । ଗତ ସପ୍ତାହରୁ ଆରମ୍ଭ ହୋଇଥିବା ନିଆଁରେ ୨୪ ଜଣଙ୍କ ମୃତ୍ୟୁ ହୋଇଥିବା ବେଳେ ୧୨ ହଜାରରୁ ଅଧିକ ସମ୍ପୁର୍ଣ ଘର ଜଳିଯାଇଛି । ତେବେ ଇଟନ ଓ ପାଲିସ ଆଡିସନ ଅଗ୍ନିକାଣ୍ଡ ସମେତ ୨୦ଟି ସ୍ଥାନରେ ଅଗ୍ନି ବ୍ୟାପିବାରେ ଲାଗିଛି । ବ୍ୟାପକ ଅଞ୍ଚ ଳରୁ ଲୋକଙ୍କୁ ସ୍ଥାନାନ୍ତର ମଧ୍ୟ କରାଯାଇଛି । ସ୍ଥିତିକୁ ଆଖି ଆଗରେ ରଖି ସେଠାରୁ ଲେକଙ୍କୁ କେମିତି ସ୍ଥାନାନ୍ତର କରି ହେବ ତା ଉପରେ ଗୁରୁତ୍ୱ ମଧ୍ୟ ଦିଆଯାଇଛି । ଏବେ ସୁଦ୍ଧା ନିଆଁରେ ୪ ଜଣ ନିଆଁରେ ପ୍ରାଣ ହରାଇସାରିଲେଣି । ଆଗକୁ ମୃତକଙ୍କ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା କରାଯାଉଛି । ଆମେରିକା ରାଷ୍ଟ୍ରପତି ଜୋ ବାଇଡେନ ପରିସ୍ଥିତିକୁ ଯୁଦ୍ଧ ଭଳି ଦୃସ୍ୟ ବୋଲି ବଣ୍ଣନା କରିଛନ୍ତି । କାନାଡା ଏବଂ ମେକ୍ସିକୋ ମଧ୍ୟ ରିଲିଫ ପ୍ରୟାସରେ ସହେଯାଗ କରିବା ଆରମ୍ଭ କରିଛନ୍ତି । ୨୪ ଘଣ୍ଟା ମଧ୍ୟରେ ଅଗ୍ନିକାଣ୍ଡ ପେଲିସାଡେସର ଆଉ ୧୦୦୦ ଏକର ଜମିକୁ ବ୍ୟାପିଯାଇଛି । ଉଦ୍ଧାର କାଯ୍ୟ ତ୍ୱରାନ୍ୱିତ ହୋଇଥିବା ବେଳେ ଏହା ମଧ୍ୟ କଷ୍ଟସାଧ୍ୟ ହେବାରେ ଲାଗିଛି । ଖରାପ ଯୋଗୁଁ ନିଆଁ ଆହୁରି ବଢିପାରେ ବେଲି ଜାତୀୟ ପାଣିପାଗ ବିଭାଗ ସତର୍କ କରାଇଦେଇଛି । ସାନ୍ତା ଆନା ପର୍ୱତରୁ ପବନ ଲସ ଆଞ୍ଜେଲସ ଏବଂ ୱେଟୁରା କାଉଣ୍ଡିରେ ତୀବ୍ର ହେଉଛି । ନିଆଁ ଘଣ୍ଟା ପ୍ରତି ୧୨୦ କିଲୋମିଟର ବେଗରେ ଗତି କରିବ ବୋଲି ଆକଳନ କରାଯାଇଛି ।