ନୂଆଦିଲ୍ଲୀ: ହାଇ ଆସିବା ଆମ ସମସ୍ତଙ୍କ ପାଇଁ ଅତି ସାଧାରଣ କଥା। ଯେକୌଣସି ସମୟରେ ହାଇ ଆସିପାରେ। ଏହାକୁ ସାଧାରଣତଃ ନିଦ ସହ ଯୋଡା ଯାଏ। ଜଣେ ସାଧାରଣ ବ୍ୟକ୍ତି ଦିନରେ ଥରେ କିମ୍ବା ଦୁଇଥର ହାଇ ମାରିଥାନ୍ତି। କିନ୍ତୁ ଯେତେବେଳେ ଶୋଇବା ସଂପୂର୍ଣ୍ଣ ହୋଇନଥାଏ ଏବଂ ଅଧିକ ନିଦ ଲାଗିଥାଏ, ତେବେ ଏହା ଅଧିକ ଲାଗିଥାଏ। କିନ୍ତୁ ଆପଣ ଜାଣନ୍ତି କି ଏପରି ଅନେକ ଲୋକ ଅଛନ୍ତି ଯେଉଁମାନେ ବିନା କାରଣରେ ବାରମ୍ବାର ହାଇ ମାରନ୍ତି। ଯଦି ଏପରି ଆପଣଙ୍କର ହେଉଛି ତେବେ ଏହାକୁ ଅଣଦେଖା କରନ୍ତୁନି। କାରଣ ଏହା କିଛି ଗମ୍ଭୀର ରୋଗର ଲକ୍ଷଣ ହୋଇପାରେ। ଆସନ୍ତୁ ଜାଣିବା ସେହି ରୋଗଗୁଡିକ ବିଷୟରେ…
ଲିଭର୍ ଖରାପ ହେବାର ସଙ୍କେତ :
ଯେତେବେଳେ ଆପଣଙ୍କ ଲିଭର୍ ଖରାପ ହେବାକୁ ଲାଗେ, ସେତେବେଳେ ଶରୀର ବହୁତ କ୍ଲାନ୍ତ ଅନୁଭବ କରେ। ଲୋକମାନେ ପ୍ରାୟତଃ ଏହି ଅବସ୍ଥାକୁ ସାଧାରଣ ଭାବରେ ବିବେଚନା କରନ୍ତି। କିନ୍ତୁ ଯଦି ଆପଣ ହଠାତ୍ କିଛି ଦିନରୁ ଶରୀରରେ ଥକ୍କା ବା ଦୁର୍ବଳ ଅନୁଭବ କରୁଛନ୍ତି, ତେବେ ଏହାକୁ ଅଣଦେଖା କରନ୍ତୁନି। ଏଥିପାଇଁ ଡାକ୍ତରଙ୍କ ସହିତ ପରାମର୍ଶ କରନ୍ତୁ। କାରଣ ଯଦି ଲିଭର୍ ଯାଞ୍ଚ ଠିକ୍ ସମୟରେ କରାଯାଏ ନାହିଁ, ତେବେ ଅବସ୍ଥା ଆହୁରି ଖରାପ ହୋଇପାରେ।
ଥାଏରଏଡ୍ର ସଙ୍କେତ :
ଥାଇରଏଡ୍ ସମସ୍ୟା ହେଲେ ମଧ୍ୟ ବ୍ୟକ୍ତିଙ୍କୁ ଅଧିକ ହାଇ ଆସେ। ଆପଣ ଏହି ସମସ୍ୟାକୁ ପ୍ରାଥମିକ ଲକ୍ଷଣ କିମ୍ବା ଚେତାବନୀ ସଙ୍କେତ ଭାବରେ ନେଇପାରିବେ। ତେଣୁ, ବାରମ୍ବାର ହାଇ ଆସୁଥିଲେ ଏହାକୁ ନିଦ୍ରା ଅଭାବର କାରଣ ବୋଲି ବିଚାର କରିବା ପରିବର୍ତ୍ତେ, ଡାକ୍ତରଙ୍କ ନିକଟକୁ ଯାଇ ଏ ବିଷୟରେ ଆଲୋଚନା କରନ୍ତୁ।
ମଧୁମେହର ସଙ୍କେତ :
ଯଦି ଆପଣଙ୍କର ବାରମ୍ବାର ହାଇ ଆସୁଛି, ତେବେ ଏହା ମଧୁମେହର ପ୍ରାରମ୍ଭିକ ସଙ୍କେତ ମଧ୍ୟ ହୋଇପାରେ। ଏହି ହାଇପୋଗ୍ଲାଇସେମିଆ ମଧୁମେହର ଆରମ୍ଭ ମଧ୍ୟ ହୋଇପାରେ। ରକ୍ତରେ ଥିବା ଗ୍ଲୁକୋଜ୍ ସ୍ତର କମ୍ ହେଲେ ମଧ୍ୟ ବାରମ୍ବାର ହାଇ ଆସେ।
