ଜିତେନ୍ଦ୍ର ମିଶ୍ରା ରାମ ମନ୍ଦିର ନୂଆ ସିିଇଓ

ନୂଆଦିଲ୍ଲୀ : ବୁଧବାର ଦିନ ଅଯୋଧ୍ୟାରେ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ପ୍ରଥମ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଭାବରେ ଏୟାର ମାର୍ଶାଲ ଜିତେନ୍ଦ୍ର ମିଶ୍ରଙ୍କୁ ନିଯୁକ୍ତ କରାଯାଇଛି। ତାଙ୍କ ସହିତ ପୂର୍ବତନ ଆଇପିଏସ ଅଧିକାରୀ ରାଜେଶ ପାଣ୍ଡେ ଏବଂ ପୂର୍ବତନ ଆଇଏଏସ ଅଧିକାରୀ ଦିନେଶ ଚନ୍ଦ୍ର ଏହି ପଦବୀ ପାଇଁ ପ୍ରମୁଖ ଦାବିଦାର ଥିଲେ। ମହନ୍ତ ନୃତ୍ୟ ଗୋପାଳ ଦାସଙ୍କ ଅଧ୍ୟକ୍ଷତାରେ ଅଯୋଧ୍ୟାର ମଣିରାମ ଦାସ ଛାୱାନୀରେ ଅନୁଷ୍ଠିତ ଟ୍ରଷ୍ଟର ଏକ ବୈଠକରେ ସର୍ବସମ୍ମତିକ୍ରମେ ଜିତେନ୍ଦ୍ର ମିଶ୍ରଙ୍କୁ ଅଯୋଧ୍ୟାରେ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ମୁଖ୍ୟ ଭାବରେ ନିଯୁକ୍ତ କରିବାର ନିଷ୍ପତ୍ତି ନିଆଯାଇଛି। ଟ୍ରଷ୍ଟର ବରିଷ୍ଠ ପଦାଧିକାରୀ ଏବଂ ନିମନ୍ତ୍ରିତ ସଦସ୍ୟମାନେ ବୈଠକରେ ଯୋଗ ଦେଇଥିଲେ।ଏୟାର ମାର୍ଶଲ ଜିତେନ୍ଦ୍ର ମିଶ୍ର ଭାରତୀୟ ବାୟୁସେନାର ଅବସରପ୍ରାପ୍ତ ବାୟୁ ଅଧିକାରୀ। ସେ ଏୟାର ଅଫିସର କମାଣ୍ଡିଂ-ଇନ୍, ୱେଷ୍ଟର୍ଣ୍ଣ ଏୟାର କମାଣ୍ଡ ଭାବରେ କାର୍ଯ୍ୟ କରିଥିଲେ।