ଜାପାନ: ଜାପାନର ନାଗାନୋ ପ୍ରଦେଶରେ ଶନିବାର ଏକ ଶକ୍ତିଶାଳୀ ଭୂମିକମ୍ପରେ ଥରିଉଠିଛି, ଯାହାର ତୀବ୍ରତା ରିକ୍ଟର ସ୍କେଲରେ ୫.୦ ରେକର୍ଡ କରାଯାଇଛି । ଜାପାନ ପାଣିପାଗ ସଂସ୍ଥା (ଜେଏମଏ) ଅନୁଯାୟୀ, ସ୍ଥାନୀୟ ସମୟ ଅପରାହ୍ନ ୧:୨୦ ମିନିଟରେ ଅନୁଭୂତ ହୋଇଥିବା ଏହି ଭୂକମ୍ପର କେନ୍ଦ୍ରସ୍ଥଳ ଭୂପୃଷ୍ଠରୁ ମାତ୍ର ୧୦ କିଲୋମିଟର ଗଭୀରରେ ଥିଲା । ଏହି ପ୍ରାକୃତିକ ବିପର୍ଯ୍ୟୟ ଯୋଗୁଁ ଓମାଚି ସହରରେ ସର୍ବାଧିକ କମ୍ପନ ଅନୁଭୂତ ହୋଇଥିଲେ ସୁଦ୍ଧା ବର୍ତ୍ତମାନ ସୁଦ୍ଧା କୌଣସି ବଡ଼ ଧରଣର କ୍ଷୟକ୍ଷତି କିମ୍ବା ଆହତଙ୍କ ସୂଚନା ମିଳିନାହିଁ ।ରିପୋର୍ଟ ଅନୁଯାୟୀ, ଜାପାନର ସିସମିକ୍ ଇଣ୍ଟେନସିଟି ସ୍କେଲରେ ଏହାର ମାତ୍ରା ‘୫-ଉପରେ’ ରେକର୍ଡ କରାଯାଇଛି, ଯାହା ଚାଲିବା କିମ୍ବା ସ୍ଥିର ରହିବାରେ ବାଧା ସୃଷ୍ଟି କରିବା ପାଇଁ ଯଥେଷ୍ଟ । ଏହି ଶକ୍ତିଶାଳୀ ଝଟକା ପରେ ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିଲା । ତଥାପି, ପ୍ରଶାସନ ପକ୍ଷରୁ ପ୍ରାଥମିକ ଯାଞ୍ଚ ପରେ ସ୍ଥିତି ନିୟନ୍ତ୍ରଣାଧୀନ ଥିବା ଏବଂ କୌଣସି ସମ୍ପତ୍ତି ନଷ୍ଟ ହୋଇନଥିବା ସ୍ପଷ୍ଟ କରାଯାଇଛି । ବର୍ତ୍ତମାନ ପାଇଁ ରିଲିଫ୍ ଓ ସୁରକ୍ଷା କାର୍ଯ୍ୟ ଜାରି ରହିଛି ।
