ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିନ୍ତ କର୍ମ ନିଯୁକ୍ତି ଯୋଜନାରେ ସଫଳତା

ଯାଜପୁର : ଯାଜପୁର ଜିଲ୍ଲା ମହାତ୍ମା ଗାନ୍ଧୀ ଜାତୀୟ ଗ୍ରାମଣି ନିଶ୍ଚିନ୍ତ କର୍ମ ନିଯୁକ୍ତି ଯୋଜନାରେ ପ୍ରଥମ ସ୍ଥାନ ଅଧିକାର କରିଛି । ଏହି ଯୋଜନାରେ ହିତାଧିକାରୀମାନଙ୍କୁ କାର୍ଯ୍ୟ ଯୋଗାଇ ଦେବା କ୍ଷେତ୍ରରେ ସଫଳତା ହାସଲ କରି ପ୍ରଥମ ସ୍ଥାନରେ ରହିଛି । ପ୍ରତିଦିନ ଏହି ଯୋଜନା କାର୍ଯ୍ୟ ସମ୍ପର୍କରେ ସମୀକ୍ଷା ରାଜ୍ୟ ସ୍ତରରେ ହୋଇଥାଏ । ବିଗତ 3/4ଦିନ ଧରି 2ରୁ 4ର୍ଥ ସ୍ଥାନରେ ରହୁଥିବାବେଳ 28ତାରିଖ ରିପୋର୍ଟରେ ଏହି ଜିଲ୍ଲା ପ୍ରଥମ ସ୍ଥାନରେ ରହିଛି । ଏହି ଯୋଜନାରେ ବିବିଧ କାର୍ଯ୍ୟ ଚାଲୁ ରହିଥିବା ବେଳ ଲୋକମାନେ ମଧ୍ୟ ସେମାନଙ୍କ ଇଚ୍ଛା ଅନୁସାରେ କାର୍ଯ୍ୟରେ ଯୋଗଦାନ କରୁଛନ୍ତି । ଏହି ସଫଳତା ପାଇଁ ଜିଲ୍ଲପାଳ ଚକ୍ରବର୍ତ୍ତୀ ସିଂହ ରାଠୋର ଏହି ଯୋଜନାରେ ଜଡିତ ଥିବା ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ଏହା ଏକ ସାମୁହିକ କାର୍ଯ୍ୟ ପ୍ରତ୍ୟେକ ପ୍ରକଳ୍ପ ଚିହ୍ନଟ ଓ କାର୍ଯ୍ୟ କାରିତା ସହ ଏହାର ସଫଳ ରୁପାୟନରେ ସମସ୍ତଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ଜିଲ୍ଲାପାଳ କହି ଶ୍ରୀ ରାଠୋର କହିଛନ୍ତି । ପ୍ରକଳ୍ପ ନିର୍ଦ୍ଦେଶକ ଇନ୍ଦ୍ରମଣି ନାୟକ ଏକ ସଂଘ ବଦ୍ଧ ଉପରେ ଏହା ପ୍ରତିଫଳନ କରିବା ସହ ଆଗକୁ ମଧ୍ୟ କଠୋର ପରିଶ୍ରମ କରିବାକୁ ସମସ୍ତଙ୍କୁ ଅନୁରୋଧ କରିଛନ୍ତି । ଆଗ୍ରହୀ ବ୍ୟକ୍ତି ବା ପ୍ରବାସରୁ ଆସିଥିବା ବ୍ୟକ୍ତିମାନଙ୍କୁ ଏହି ଯୋଜନାରେ ସାମିଲ କରିବାକୁ ପରାମର୍ଶ ଦେଇଛନ୍ତି ।