ଯାଜପୁର : ଆଜି ଯାଜପୁର ଜିଲ୍ଲା ଅନ୍ତର୍ଗତ ଦାନଗଦି ବ୍ଲକ ଅଧିନସ୍ଥ ଉଲ୍ଲଳ ପଞ୍ଚାୟତ ର ରାମ୍ପିଲୋ ଗ୍ରାମରେ ମୁନ୍ ସୋସିଆଲ ଫାଉଣ୍ଡେସନ ତରଫରୁ କମ୍ବଳ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି କାର୍ଯ୍ୟକ୍ରମ ର ମୁଖ୍ୟ ଅତିଥି ଭାବେ ସୁକିନ୍ଦା ବିଧାୟକ ତଥା ରାଜ୍ୟ ବରିଷ୍ଠ ସାଧାରଣ ସମ୍ପାଦକ ଇଂ ପ୍ରୀତିରଞ୍ଜନ ଘଡେଇ ଯୋଗଦେଇ ବଣ୍ଟନ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ।ଏହି ଫାଉଣ୍ଡେସନ ର ମୂଳ ଲକ୍ଷ୍ୟ ହେଉଛି ଅସହାୟ ଲୋକ ମୁହଁରେ ହସ ଫୁଟାଇବା ।ବିଗତ କିଛି ଦିନ ତଳେ ମୁନ୍ ସୋସିଆଲ ଫାଉଣ୍ଡେସନ କର୍ମୀମାନେ ସ୍ଥାନୀୟ ଅଞ୍ଚଳରେ ଜଣେ ଚାଷୀ ର ଦେହ ଅସୁସ୍ଥ ହେତୁ ତାର ଧାନ ଅମଳ କରିପାରିନଥିଲେ ,ଖବର ପାଇ ଫାଉଣ୍ଡେସନ କର୍ମୀମାନେ ଵିଲ ରୁ ଧାନ କାଟି ଘରେ ପହଞ୍ଚିବା ର ବନ୍ଦୋବସ୍ତ କରିଥିଲେ ।ଆଜି ସ୍ଥାନୀୟ ଧୂଳିଗଡ଼,ଉଲ୍ଲଳ, ଓ ରଣାଗୁଣ୍ଡି ଗ୍ରାମ ର ଅଶହାୟ ବୃଦ୍ଧ ବୃଦ୍ଧା ମାନଙ୍କୁ କମ୍ବଳ ବଣ୍ଟନ କାର୍ଯ୍ୟକ୍ରମ ରାମ୍ପିଲୋ ଗ୍ରାମରେ ଆୟୋଜନ କରିଥିଲେ ଫାଉଣ୍ଡେସନ ର କର୍ମୀ ।ମୁନ ଫାଉଣ୍ଡେସନ ର ଏଭଳି ପ୍ରୟାସ କୁ ବିଧାୟକ ସାଧୁବାଦ ଜଣାଇବା ସହିତ ପ୍ରଶଂସା ମଧ୍ୟ କରିଥିଲେ।ଏହି କାର୍ଯ୍ୟକ୍ରମ ରେ ନିମନ୍ତ୍ରିତ ଅତିଥି ଦାନଗଦି ବ୍ଲକ ଯୁବ ସଭାପତି ଜୟ ପ୍ରକାଶ ସାହୁ,ସୁକିନ୍ଦା ବ୍ଲକ ସାଧାରଣ ସମ୍ପାଦକ ଜୟନ୍ତ ରାଉତ ଓ ସ୍ଥାନୀୟ ସରପଞ୍ଚ ସମିତି ସଭ୍ୟ ଉପସ୍ଥିତ ଥିଲେ।କାର୍ଯ୍ୟକ୍ରମ ପ୍ରାରମ୍ଭରୁ ଅନ୍ତିମ ପର୍ଯ୍ୟାୟ ପର୍ଯ୍ୟନ୍ତ ମୁନ ସୋସିଆଲ ଫାଉଣ୍ଡେସନ ର ମାର୍ଗ ଦର୍ଶକ ଆଲୋକ କୁମାର ଜେନା ଓ କର୍ମୀମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ ।
ଯାଜପୁର ରୁ ରିପୋର୍ଟ- ଅଭିମନ୍ୟୁ ମିଶ୍ର, ଓଏନଏ
