ନୂଆଦିଲ୍ଲୀ : ବଧୂ ସାଜିଲେ ଇଣ୍ଡିଆନ୍ ଆଇଡଲ୍ ୧୨ ଫେମ୍ ଗାୟିକା ସାୟଲି କମ୍ଵଲେ। ସାୟଲି ତାଙ୍କର ପ୍ରେମିକ ଧବଳଙ୍କ ସହ ବିବାହ କରିଛନ୍ତି। ଏହି ଦୁଇ ଲଭ୍ବାର୍ଡ ୨୪ ତାରିଖରେ ମହାରାଷ୍ଟ୍ରୀୟାନ୍ ରୀତିନୀତିରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏହି ଦୁଇ ଦମ୍ପତିଙ୍କ ବିବାହ ବେଳର ଫଟୋ ଏବଂ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି।
ଏହି ଫଟୋରେ ହଳଦିଆ ଓ ଗୋଲାପୀ ରଙ୍ଗର ଶାଢୀରେ ସାୟଲି ଖୁବ୍ ସୁନ୍ଦର ଦେଖାଯାଉଛନ୍ତି। ଏହା ସହ ସେ ଏକ ବାଇଗଣୀ ରଙ୍ଗରେ ସଲ୍ ପକାଇ ତାଙ୍କର ବ୍ରାଇଡାଲ୍ ଆଉଟ୍ଫିଟ୍କୁ ଆହୁରି ଆକର୍ଷଣୀୟ କରିଛନ୍ତି। ସାଢୀ ସହ ସାୟଲି ଏକ ଡବଲ ଲେୟାର ହାର, ଡିଜାଇନର୍ ଅଣ୍ଟାସୁତା, ଓ ସବୁଜ ରଙ୍ଗର ଚୂଡ଼ି ପିନ୍ଧିଛନ୍ତି। ବଧୂ ବେଶରେ ସାୟଲି ଖୁବ୍ ଖୁସି ଥିବା ନଜର ଆସିଛନ୍ତି। ଧବଳ ମଧ୍ୟ ତାଙ୍କର ବିବାହକୁ ନେଇ ଖୁବ୍ ଖୁସି ଅଛନ୍ତି।ତେବେ ସାୟଲି ଓ ଧବଳଙ୍କ ବରମାଳା ବେଳର ଏକ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ସେହିପରି ମଙ୍ଗଳଶୁତ୍ର ପିନ୍ଧାଇବା ବେଳର ଆଉ ଏକ ଭିଡିଓ ମଧ୍ୟ ଭାଇରାଲ୍ ହେବାରେ ଲାଗିଛି।
