ନୂଆଦିଲ୍ଲୀ: କରୋନା ଏବେ ସାରା ବିଶ୍ୱରେ ଭୟଙ୍କର ରୂପ ନେଉଛି । ଦିନକୁ ଦିନ କାୟା ବିସ୍ତାର କରିବାରେ ଲାଗିଲାଣି କରୋନା ଭାଇରସ । ଭାରତରେ କରୋନା ଦ୍ୱାରା ଆକ୍ରାନ୍ତଙ୍କ ସଂଖ୍ୟା ୮୧ରେ ପହଞ୍ଚି ଯାଇଥିବା ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । କରୋନାଭାଇରସ୍ ବିଶ୍ୱର ୧୦୦ରୁ ଊର୍ଧ୍ୱ ଦେଶରେ ନିଜର କାୟା ବିସ୍ତାର କରିବାରେ ଲାଗିଛି । ମନ୍ତ୍ରାଳୟର ତଥ୍ୟ ଅନୁସାରେ ୮୧ ଆକ୍ରାନ୍ତଙ୍କ ମଧ୍ୟରୁ ୬୪ଜଣ ଭାରତୀୟ ଥିବା ବେଳେ ୧୬ଜଣ ଇଟାଲୀୟ ଏବଂ ଜଣେ କାନାଡା ନାଗରିକ ଅଛନ୍ତି ।
ଗତ ୨୪ଘଣ୍ଟା ଭିତରେ ବିଶ୍ୱରେ କରୋନାଭାଇରସରେ ୨୦ଜଣ ରୋଗୀ ଚିହ୍ନଟ ହୋଇଛନ୍ତି । ଏଯାବତ ବିଶ୍ୱରେ ୧,୩୪,୬୭୯ଜଣ ମାରାତ୍ମକ କରୋନାଭାଇରସରେ ସଂକ୍ରମିତ ହୋଇଥିବା ବେଳେ ୫୦୦୦ଲୋକଙ୍କର ଏହି ଭୂତାଣୁ କାରଣରୁ ମୃତ୍ୟୁ ହୋଇଥିବା କୁହାଯାଉଛି । ଏଭଳି ପରିସ୍ଥିତିକୁ ଦୃଷ୍ଟିରେ ରଖି ୭ଟି ରାଜ୍ୟରେ ସ୍କୁଲ-କଲେଜ ଓ ଶିକ୍ଷାନୁଷ୍ଠାନ ବନ୍ଦ କରିଦିଆଯାଇଛି । ଏଥି ସହିତ ବିବାହ ଉତ୍ସବ, ସମ୍ମିଳନୀ-ସମାବେଶ ଓ ସିନେମା ହଲ ଆଦିକୁ ବନ୍ଦ କରି ଦିଆଯାଇଛି ।
https://onakhabar.com/2020/03/13/google-employee-carona-attack/
ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ୮୧ ଛୁଇଁଲା
