ଭୁବନେଶ୍ୱର : ଆଜି ପବିତ୍ର କୁମାର ପୂର୍ଣ୍ଣିମା । ଏହି ଅବସରରେ ଶ୍ରୀମନ୍ଦିରରେ ଅନୁଷ୍ଠିତ ହେଉଛି ମହାପ୍ରଭୁଙ୍କ ସ୍ୱତନ୍ତ୍ର ନୀତିକାନ୍ତି । ଆଜି ମହାଲକ୍ଷ୍ମୀଙ୍କ ସହିତ ଜୁଆ ଖେଳରେ ମହାପ୍ରଭୁ ହାରି ଯାଇଥିବାରୁ ମହାପ୍ରଭୁଙ୍କ ଚଳିତ ପ୍ରତିମା ଶ୍ରୀ ମାଧବ ଲକ୍ଷ୍ମୀଙ୍କ ମନ୍ଦିରରେ ସାତ ଦିନ ଯାଏଁ ବନ୍ଧା ରହିବେ ।
ସେହିପରି ପୂର୍ଣ୍ଣିମାରେ ଆଜି ଭକ୍ତଙ୍କ ପାଇଁ ଶ୍ରୀମନ୍ଦିର ଖୋଲା ଅଛି । ଏହି ଅବସରରେ ଭିଡକୁ ଦୃଷ୍ଟିରେ ରଖି ଭକ୍ତଙ୍କ ଶୃଙ୍ଖଳିତ ଦର୍ଶନ ଏବଂ ପ୍ରସାଦ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।
ଅନ୍ୟପଟେ ଆସନ୍ତାକାଲିଠୁ ଆରମ୍ଭ ହେବାକୁ ଯାଉଛି କାର୍ତ୍ତିକ ବ୍ରତ । ଏନେଇ ହବିଷ୍ୟାଳିମାନେ ଆଜିଠୁ ବ୍ରତ ସଂକଳ୍ପ କରିଛନ୍ତି ।
