ଦେଶରେ ୯୯ କୋଟି ଟପିଲା ଟୀକାକରଣ

ନୂଆଦିଲ୍ଲୀ : ଦେଶରେ ଟୀକାକରଣ ପ୍ରକ୍ରିୟା ଜାରି ରହିଥିବା ବେଳେ ଏହା ଏବେ ରେକର୍ଡ କରିଛି । ମଙ୍ଗଳବାର ସୁଦ୍ଧା ଟୀକାକରଣ ସଂଖ୍ୟା ୯୯ କୋଟି ଅତିକ୍ରମ କରିଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି । ଦେଶରେ ବହୁତ ଶୀଘ୍ର ଟୀକାକରଣ ସଂଖ୍ୟା ୧୦୦ କୋଟି ଛୁଇଁବ । ଦେଶରେ ଏପର୍ଯ୍ୟନ୍ତ ମୋଟ ୯୯ କୋଟି ୧୨ ଲକ୍ଷ ୮୨ ହଜାର ୨୮୩ ଲୋକଙ୍କୁ ଟୀକାକରଣ କରାଯାଇସାରିଲାଣି । ଜାନୁଆରୀ ୧୬ ରୁ ଦେଶବ୍ୟାପୀ ଟୀକାକରଣ ପ୍ରକ୍ରିୟା ଆରମ୍ଭ ହୋଇଥିଲା । କୋଭିଡ୍ -19 ଟୀକାକରଣର ପରବର୍ତ୍ତୀ ପର୍ଯ୍ୟାୟ ମାର୍ଚ୍ଚ 1 ରୁ 60 ବର୍ଷରୁ ଅଧିକ ବୟସ୍କ ଏବଂ 45 ବର୍ଷରୁ ଅଧିକ ବୟସ୍କଙ୍କ ପାଇଁ ନିର୍ଦ୍ଦିଷ୍ଟ ସହ-ରୋଗଗ୍ରସ୍ତ ଅବସ୍ଥା ପାଇଁ ଆରମ୍ଭ ହୋଇଥିଲା । ଏପ୍ରିଲ 1 ରୁ 45 ବର୍ଷରୁ ଅଧିକ ବୟସର ସମସ୍ତ ଲୋକଙ୍କ ପାଇଁ ଦେଶ ଟୀକାକରଣ ଆରମ୍ଭ କରିଥିଲା। ଏହା ପରେ ସରକାର 18 ବର୍ଷରୁ ଉର୍ଦ୍ଧ ସମସ୍ତଙ୍କୁ ମେ 1 ରୁ ଟୀକାକରଣ କରିବାକୁ ଅନୁମତି ଦେଇ ଏହାର ଟୀକାକରଣ ଡ୍ରାଇଭକୁ ବିସ୍ତାର କରିବାକୁ ନିଷ୍ପତ୍ତି ନେଇଥିଲେ ।