ଭଦ୍ରକରେ ମାତିଲେ ଲୁଟେରା, ଗାଡ଼ି ଡିକି ଭାଙ୍ଗି ନେଇଗଲେ ଟଙ୍କା ଓ ସୁନା ଗହଣା

ସୂଚନା ଅନୁସାରେ, ଶଶିକାନ୍ତ ପୃଷ୍ଟି ନାମକ ଜଣେ ବ୍ୟବସାୟୀ ବାଇକ ରଖି ଏଟିଏମକୁ ଟଙ୍କା ଉଠାଇବାକୁ ଯାଇଥିଲେ। ଟଙ୍କା ଉଠାଇ ଆସିଲା ବେଳକୁ ବାଇକ୍‌ର ଡିକି ଖୋଲାଥିବା ଦେଖିଥିଲେ। ତେବେ ଗାଡିରେ ଥିବା ନଗଦ ୪୦ ହଜାର ଟଙ୍କା , ୩୯ ଗ୍ରାମ ଓଜନର ସୁନା ଅଳଙ୍କାର ସହ ବ୍ୟାଙ୍କ ପାସବୁକ ଓ କେତେକ କାଗଜପତ୍ର ଚୋରି ହୋଇଯାଇଥିଲା। ଏ ନେଇ ସେ ଶଶିକାନ୍ତ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି।  ଭଦ୍ରକରେ ବାରମ୍ବାର ଚୋରି ଲୁଟ୍ ହେଉଥିବାରୁ ଜିଲ୍ଲାର ଆଇନ ଶୃଙ୍ଖଳା ପରିସ୍ଥିତିକୁ ସାଧାରଣରେ ପ୍ରଶ୍ନ ଉଠିଛି।