୧୭ ବର୍ଷର ବିବାହ ପରେ ପ୍ରଥମ ପତ୍ନୀଙ୍କୁ ଧୋକ୍କା ଦେଲା ସ୍ୱାମୀ, ତା’ ପରେ କ’ଣ ପୁରା ଘଟଣା ଜାଣନ୍ତୁ….

ପୁରୀ : ବିବାହର ୧୭ ବର୍ଷ ପରେ ପତ୍ନୀ ଓ ୨ ଝିଅଙ୍କୁ ଛାଡ଼ି ଯୁବକଙ୍କ ବିବାହକୁ ନେଇ ପ୍ରଥମ ପତ୍ନୀ ଥାନାର ଦ୍ୱାରସ୍ଥ ହୋଇଛନ୍ତି । ପୋଲିସ ଏହି ଘଟଣାରେ ତୁରନ୍ତ ମାମଲା ରୁଜୁ କରି ଅନୁସନ୍ଧାନ ଜାରି ରଖିଛି । ସୂଚନା ଅନୁଯାୟୀ, ପୁରୀ ଜିଲ୍ଲା ନିମାପଡ଼ା ଥାନା ମଣିଜଙ୍ଗପାଟଣା ଗ୍ରାମର ଗୌରୀଲୋଚନ ରାଉତରାୟଙ୍କୁ କଟକ ଜିଲ୍ଲା ଜଗତ୍‌ପୁର ଥାନା ପରଙ୍କୁଟିଆ ଢ଼ିହସାହି ଗ୍ରାମର ସନ୍ତୋଷ ନାୟକ ୧୭ ବର୍ଷ ତଳେ ରେଜିଷ୍ଟ୍ରି ବିବାହ କରିଥିଲେ । ବିବାହ ପରେ ନିଜ ପତ୍ନୀଙ୍କୁ ନେଇ ଭୁବନେଶ୍ୱରରେ ଏକ ଭଡ଼ାଘର କରି ରହିଥିଲେ । ବିବାହ ପରେ ୨ଟି କନ୍ୟା ସନ୍ତାନ ମହିଳାଙ୍କ ଜନ୍ମ ହୋଇଥିଲେ । କୌଣସି ଏକ ଘଟଣାକୁ ନେଇ ପତି ପତ୍ନୀଙ୍କ ମଧ୍ୟରେ ମନୋମାଳିନ୍ୟ ହେବାରୁ ଗତ ୪ ବର୍ଷ ତଳୁ ଭଡ଼ାଘରୁ ସନ୍ତୋଷ ଲୁଚି ପଳାଇ ନିଜ ଗ୍ରାମରେ ଏକ ଯୁବତୀକୁ ବିବାହ କରି ଦାମ୍ପତ୍ୟ ଜୀବନ ଅତିବାହିତ କରୁଥିବା ପ୍ରଥମ ପତ୍ନୀ ଗୌରୀଲୋଚନ ଜାଣି ପାରି ନିମାପଡ଼ା ଥାନାରେ ପହଞ୍ଚି ଅଭିଯୋଗ କରିଛନ୍ତି । ପୋଲିସ ମାମଲା ରୁଜୁ କରିଥିଲେ ମଧ୍ୟ ସଂପୃକ୍ତ ଅଭିଯୁକ୍ତକୁ ଗିରଫ କରି ପାରିନାହିଁ । ଗୌରୀଲୋଚନଙ୍କର ସ୍ୱାମୀକୁ ୪୨ ବର୍ଷ ହୋଇଥିବା ଜଣାପଡ଼ିଛି । ରାଜ୍ୟରେ ମହିଳାଙ୍କ ସୁରକ୍ଷାକୁ ନେଇ ଏକ ବଡ଼ ସମସ୍ୟା ଠିଆ ହୋଇଛି । ତପସ୍ୱିନୀ ଠାରୁ ଆରମ୍ଭ କରି ବହୁ ମହିଳା ନିର୍ଯ୍ୟାତନାର ଶୀକାର ହୋଇ ସେମାନଙ୍କ ସଂସାର ଉଜୁଡ଼ି ଯାଉଛି । ଗୌରୀଲୋଚନଙ୍କ କ୍ଷେତ୍ରରେ ମଧ୍ୟ ସେହି ପରି ଏକ ଘଟଣା ଦେଖିବାକୁ ମିଳିଛି । ଅଭିଯୁକ୍ତକୁ ତୁରନ୍ତ ଦଣ୍ଡବିଧାନ ପାଇଁ ବିଭିନ୍ନ ମହଲରୁ ଦାବି ହୋଇଛି ।