ସବୁଠୁ ଉତ୍ତପ୍ତ ସହର ଭୁବନେଶ୍ୱର

ଭୁବନେଶ୍ୱର: ପୁଣି ଆଜି ରାଜଧାନୀ ଭୁବନେଶ୍ୱରର ତାପମାତ୍ରା ବଢିଛି । ଭୁବନେଶ୍ୱର ଆଜି ରାଜ୍ୟର ସର୍ବାଧିକ ଉତ୍ତପ୍ତ ସହର ହୋଇଛି । ୪୨.୦୧ ଡିଗ୍ରୀ ସେଲସିୟସ ସହ ଶୀର୍ଷ ସ୍ଥାନରେ ଆଜି ଭୁବନେଶ୍ୱର ରହିଛି । ଅନ୍ୟପଟେ ଆଜି ରାଜ୍ୟର ୧୨ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି । ବୌଦ୍ଧରେ ତାପମାତ୍ରା ୪୨ ଡିଗ୍ରୀ ରେକର୍ଡ କରାଯାଇଥିବା ବେଳେ ସୋନପୁର ୪୧.୮, ବାରିପଦା ୪୧.୬, ଟିଟିଲାଗଡ ଓ ସମ୍ବଲପୁର ୪୧, କଟକ ୩୯.୮ ଡିଗ୍ରୀ ରହିଛି । ଗତକାଲି ପାଣିପାଗ ବିଭାଗ କିଛି ଜିଲ୍ଲା ପାଇଁ ହଳଦିଆ ସଂକେତ ଜାରି କରିଥିଲା ଝଡବର୍ଷା ଓ ବଜ୍ରପାତ ନେଇ । ମାତ୍ର ଆଜି ଯେଉଁଭଳି ଖରା ହେଉଥିଲା ବାହାରକୁ ବାହାରିବା ଅସମ୍ଭବ ହୋଇପଡିଥିଲା ।