ନୂଆଦିଲ୍ଲୀ: ବଲିଉଡରେ ଯେତେବେଳେ ବି କମେଡି ଫିଲ୍ମ କଥା ଆସେ, ସେତେବେଳେ ‘ହେରା ଫେରି’ କୁ ସାମିଲ କରାଯାଏ । ଏବେ ସେହି ଫିଲ୍ମର ତୃତୀୟ ଭାଗକୁ ନେଇ ଚର୍ଚ୍ଚା ଜୋର ଧରିଛି । ଏହାକୁ ଲମ୍ବା ସମୟ ଧରି ଚର୍ଚ୍ଚା ରହିଥିବା ବେଳେ କିଛି ସ୍ପଷ୍ଟ ସୂଚନା ଏବେ ଆସିଛି ।
ହେରା ଫେରି ନିର୍ମାତା ଫିରୋଜ ନାଡିୟାଡବାଲାଙ୍କ ତରଫରୁ କୁହାଯାଇଛି ଯେ, ସେ ‘ହେରା ଫେରୀ ୩’ ଉପରେ କାମ କରିବା ଆରମ୍ଭ କରିସାରିଛନ୍ତି । ଫିଲ୍ମର ସ୍କ୍ରିପ୍ଟ ପ୍ରସ୍ତୁତ ହୋଇସାରିଛି ଏବଂ ବହୁତ ଜଲଦି ଏହାର ସୁଟିଂ ଆରମ୍ଭ ହେବ । ରିପୋର୍ଟ ଅନୁସାରେ, ‘ହେରା ଫେରୀ ୩’ର କାହାଣୀ ସେହିଠାରୁ ଆରମ୍ଭ ହେବ, ଯେଉଁଠି ‘ଫିର ହେରା ଫେରୀ’ର ଶେଷ ହୋଇଥିଲା । ଲମ୍ବା ସମୟ ଧରି ଦର୍ଶକଙ୍କୁ ସେ ଏଣ୍ଟରଟେନ କରିବାକୁ ଭାବି ସାରିଥିବା କହିଛନ୍ତି ।
ଫିଲ୍ମର ଷ୍ଟାର କାଷ୍ଟକୁ ନେଇ କୁହାଯାଇଛି ଯେ, ପରେଶ ରାବଲ ଓ ସୁନିଲ ସେଟ୍ଟୀ ପୁଣି ଧମାଲ କରିବେ । ହେଲେ ଅକ୍ଷୟ କୁମାରଙ୍କୁ ନେଇ ସସପେନ୍ସ ରହିଛି । ସେ ଫିଲ୍ମରେ ରହିବେ କି ନାହିଁ, ତାହା ସ୍ପଷ୍ଟ ହୋଇପାରିନାହିଁ । ‘ହେରା ଫେରୀ ୩’ରେ ପ୍ରଥମେ ଜନ ଆବ୍ରାହମ ଓ ଅଭିଷେକ ବଚ୍ଚନଙ୍କୁ ନେବା ପାଇଁ ଚିନ୍ତା କରାଯାଉଥିଲା । ହେଲେ କିଛି ସମୟ ପରେ ତାହା କ୍ୟାନ୍ସେଲ ହୋଇଥିଲା । ଆଧିକାରିକ ଭାବରେ ଏ ନେଇ ଘୋଷଣା ହେବାକୁ ଅପେକ୍ଷା ରହିଛି ।
ଖୁବ ଶୀଘ୍ର ‘ହେରା ଫେରୀ ୩’
