ଭୁବନେଶ୍ୱର: ମହିଳା କ୍ରିକେଟର ରାଜଶ୍ରୀ ସ୍ୱାଇଁଙ୍କ କେମିତି ହେଲା ମୃତ୍ୟୁ? ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରିବା ପରେ ଝୁଲାଇ ଦିଆଯାଇଥିଲା, ସେ ନେଇ ସମସ୍ତଙ୍କ ମନରେ ଉଙ୍କି ମାରୁଛି ପ୍ରଶ୍ନ । ଏତିକିବେଳେ ସନ୍ଦେହକୁ ବଢ଼ାଇ ଦେଇଛି ମିଳିଥିବା ହାତଲେଖା ଚିଠି । ଚିଠିରେ କୋଚ ଓ ମାଣ୍ଡେଲା ସାରଙ୍କୁ ଦାୟୀ କରାଯାଇଥିବାରୁ ସନ୍ଦେହ ଆହୁରି ଘନୀଭୂତ ହୋଇଛି । ଅନ୍ୟପଟେ ଆତ୍ମହତ୍ୟା କଥାକୁ ସମ୍ପୂର୍ଣ୍ଣ ଅସ୍ୱୀକାର କରିଛନ୍ତି ରାଜଶ୍ରୀଙ୍କ ପରିବାର ଓ ସମ୍ପର୍କୀୟ । ତାଙ୍କୁ ହତ୍ୟା କରାଯାଇଥିବା ପୁଣି ଥରେ ଅଭିଯୋଗ କରିଛନ୍ତି । ସେପଟେ ରାଜଶ୍ରୀଙ୍କ କଲ ଡିଟେଲ୍ସର ଯାଂଚ କରିବା ସହ ତଦନ୍ତ ଜାରି ରଖିଛି ପୋଲିସ ।
କ୍ରିକେଟର ରାଜଶ୍ରୀ ସ୍ୱାଇଁଙ୍କ ରହସ୍ୟଜନକ ମୃତ୍ୟୁ, ଝୁଲନ୍ତା ଅବସ୍ଥାରେ ମୃତ ଦେହ ଉଦ୍ଧାରକୁ ନେଇ ସସପେନ୍ସ ଭିତରେ ସନ୍ଦେହ ବଢ଼ାଇ ଦେଇଛି ମିଳିଥିବା ସୁଇସାଇଡ୍ ନୋଟ୍ । କୁହାଯାଉଛି, ମିଳିଥିବା ଚିଠିରେ ଲେଖାଯାଇଛି, ‘‘ମୁଁ ଯାହା କରୁଛି, ନିଜ ଇଛାରେ କରୁଛି । ମୋ ମୃତ୍ୟୁ ପାଇଁ କୋଚ୍ ଓ ମାଣ୍ଡେଲା ସାର ଦାୟୀ..’’ ।
