ଗଞ୍ଜାମ : ରଜରେ ଚାଲିଥିଲା ଜୁଆ ଖେଳ । ମାଡ଼ିବସିଲା ପୁଲିସ । ନଗଦ ଟଙ୍କା ଜବତ କରିବା ସହ ଜୁଆଡିଙ୍କୁ ଗିରଫ କରିଛି ଖଲ୍ଲିକୋଟ ପୁଲିସ । ରଜରେ ଜୁଆଖେଳ ଚାଲିଥିବା ବେଳେ ଖଲ୍ଲିକୋଟ ଅଞ୍ଚଳର ତିନୋଟି ସ୍ଥାନରେ ପୁଲିସ ଚଢ଼ାଉ କରି ନଗଦ ୫୯ ହଜାର ୧୮୩ ଟଙ୍କା ଜବତ ସହ ୩୨ ଜୁଆଡ଼ିଙ୍କୁ ଗିରଫ କରିଛି । ମଙ୍ଗଳବାର ପହିଲି ରଜ ରାତିରେ ଖଲ୍ଲିକୋଟ ଥାନା ଡିମିରିଆ ଛକ ନିକଟରେ ଜୁଆ ଖେଳ ଚାଲିଥିଲା । ଖବର ପାଇ ପୁଲିସ ସେଠାରେ ଚଢ଼ଉ କରି ନଗଦ ୧୦ ହଜାର ୪୦ ଟଙ୍କା ଜବତ କରିଥିଲା । ଖଲ୍ଲିକୋଟ ଥାନାରେ ଏନେଇ ଏକ ମାମଲା ରୁଜୁ ହୋଇଛି ।
ସେହିପରି କନ୍ଦିଗାଁ ରାଧାକୃଷ୍ଣ ମନ୍ଦିର ଖଳା ନିକଟରେ ଜୁଆ ଖେଳ ଚାଲିଥିବା ବେଳେ ପୁଲିସ ଚଢ଼ଉ କରି ନଗଦ ୧୭ ହଜାର ୫୦ ଟଙ୍କା ଜବତ କରିଛି । ଥାନାରେ ଏନେଇ ଏକ ମାମଲା ରୁଜୁ ହୋଇଛି । ଆଜି ରଜ ସଂକ୍ରାନ୍ତିରେ ଭୋର ସମୟରେ ସମଲ ଓ କନକା ଗ୍ରାମ ମଝିରେ ଜୁଆ ଖେଳ ଚାଲିଥିବା ବେଳେ ପୁଲିସ ସେଠାରେ ଚଢ଼ଉ କରିଥିଲା ।
ଘଟଣାସ୍ଥଳରୁ ନଗଦ ୩୨ ହଜାର ୯୩ ଟଙ୍କା ବତ ହୋଇଛି । ଏ ସମ୍ପର୍କରେ ଖଲ୍ଲିକୋଟ ଥାନାରେ ଏନେଇ ଏକ ମାମଲା ରୁଜୁ ହୋଇଛି । ଏହି ତିନୋଟି ଚଢ଼ଉରେ ମୋଟ ୫୯ ହଜାର ୧୮୩ ଟଙ୍କା ଜବତ ସହ ୩୨ ଜୁଆଡିଙ୍କୁ ଗିରଫ କରାଯାଇଛି । ସେମାନଙ୍କ ବିରୋଧରେ ତିନୋଟି ମାମଲା ରୁଜୁ କରାଯାଇଥିବା ଖଲ୍ଲିକୋଟ ଥାନା ଅଧିକାରୀ ଜଗନ୍ନାଥ ମଲ୍ଲିକ ସୂଚନା ଦେଇଛନ୍ତି । ଜୁଆ ଖେଳ ଉପରେ ଚଢ଼ଉ ଜାରି ରହିବ ବୋଲି ଆଇଆଇସି ପ୍ରକାଶ କରିଛନ୍ତି ।
