ବଲାଙ୍ଗିର,(ଦେବାଶିଷ ମିଶ୍ର)- ବଲାଙ୍ଗିର ନିକଟସ୍ଥ ଖଲିଆପାଲି ଆମ୍ବେଦକର ଷ୍ଟାଡିୟମଠାରେ ଜଗନ୍ନାଥ ସ୍ପୋଟିଂ, ଖଲିଆପାଲି ଓ ସ୍ପୋର୍ଟ୍ସ ହଷ୍ଟେଲ ବଲାଙ୍ଗିର ଆନୁକୁଲ୍ୟରେ କୋଚ ଶିବ ପ୍ରସାଦ ସ୍ମାରକୀ ଓ ଖଲିଆପାଲି କପ୍ ଫୁଟବଲ ଟୁର୍ଣ୍ଣାମେଣ୍ଟର ଦୁଇଗୋଟି ଖେଳ ଅନୁଷ୍ଠିତ ହୋଇଛି । ଶିବପ୍ରସାଦ ସ୍ମାରକୀ ଖେଳରେ ବିଏସ୍ଏଫ୍ ସୋନପୁର ୩-୨ ଗୋଲରେ ବିଲେଇସର୍ଡାକୁ ହରାଇ ବିଜୟୀ ହୋଇଛି । ସେହିପରି ଖଲିଆପାଲି କପ୍ ଫୁଟ୍ବଲ ଖେଳରେ କୁଶମେଲ ୧-୦ ଗୋଲରେ ବରକାନିକୁ ହରାଇ ବିଜୟୀ ହୋଇଛି । ଅତିଥିଭାବେ ଅବସରପ୍ରାପ୍ତ ଯନ୍ତ୍ରୀ ଇଂ ବାଲାଜୀ ମିଶ୍ର, କ୍ରୀଡାସଂଗଠକ ରାଜୀବ ପଟ୍ଟନାୟକ,କ୍ରୀଡାବିତ ବିରେନ୍ଦ୍ର ସୁନା, କ୍ରୀଡାସଂଗଠକ ଶ୍ରୀଧର ସେଠ୍ ଯୋଗଦେଇଥିଲେ । କ୍ରୀଡାସଂଗଠକ ହେମନ୍ତ କୁମାର ବେହେରା, ପୁର୍ବତନ କ୍ରୀଡାଶିକ୍ଷକ ହୃଷିକେଶ ସାଏ, ଫୁଟବଲ କୋଚ୍ ପରାସର ବାଗ, କ୍ରୀଡା ସଂଗଠକ ଟୁନା ମିଶ୍ର, ଆୟୋଜନ କମିଟି ଅଧ୍ୟକ୍ଷ ଅଭିମନ୍ୟୁ ପାଣ୍ଡେ, ପୁରାତନ କ୍ରୀଡାଛାତ୍ର ଗିରି ପାଉଲେ, ବିର୍ଶା ଓରାମ, ବାବୁଲୁ ଗୁରର୍ଲା, କଏରୁଁ ମୁଣ୍ଡା, ଝିଗୁ ତିର୍କି ମଂଚାସୀନଥିଲେ । ଖେଳକୁ ଅବଦୁଲ ମୁଜିବ, ଖଲିଉର ରେହେମାନ, ସଂଜିବ ମହାରଣା, ନିଶାରକାନ୍ତ ନାଗ ଓ ଦେବାଶିଷ ବାଗ ପରିଚାଳନା କରିଥିଲେ । ୧୮ ତାରିଖ ବୁଧବାର ପ୍ରଥମ ଖେଳ କୁରୁଲ ବନାମ କାଲସାଏପାଲି ଓ ଦ୍ୱିତୀୟ ଖେଳ ଖଲିଆପାଲି ବନାମ ଜରାସିଂହା ମଧ୍ୟରେ ହେବ ବୋଲି କମିଟି ଅଧ୍ୟକ୍ଷ ଅଭିମନ୍ୟୁ ପାଣ୍ଡେ ପ୍ରକାଶ କରିଛନ୍ତି ।
କୋଚ୍ ଶିବ ପ୍ରସାଦ ସ୍ମାରକୀ ଫୁଟବଲ ବିଏସ୍ଏଫ ସୋନପୁର ଓ କୁଶମେଲ ବିଜୟୀ
