ନୂଆଦିଲ୍ଲୀ : ଗୁଜୁରାଟର ରାଜକୋଟରେ ଭୟଙ୍କର ଅଗ୍ନିକାଣ୍ଡ ଘଟିଛି । ୧୫୦ ଫୁଟ ରିଙ୍ଗ ରୋଡରେ ଥିବା ଆସଲାଣ୍ଟିସ୍ କୋଠାରେ ଏକ ଭୟଙ୍କର ଅଗ୍ନିକାଣ୍ଡରେ ୩ ଜଣ ଜୀବନ୍ତ ଦଗ୍ଧ ହୋଇଛନ୍ତି । ନିଆଁ ଚାରିଆଡେ ବ୍ୟାପି ଯାଇଥିଲା । ସୂଚନା ଅନୁସାରେ ଜଣାପଡିଛି ଯେ ନିଆଁ ଷଷ୍ଠ ମହଲାରୁ ଲାଗିଛି ଏବଂ ଏଥିରେ ୩୦ ରୁ ଅଧିକ ଲୋକ ଫସି ରହିଛନ୍ତି । ଅଗ୍ନିକାଣ୍ଡରେ ଅତି କମରେ ତିନି ଜଣଙ୍କର ମୃତ୍ୟୁ ହୋଇଛି ।କୋଠାରୁ ଘନ ଧୂଆଁ ବାହାରିବା ପରେ, ଅଗ୍ନିଶମବାହିନୀ ଘଟଣାସ୍ଥଳକୁ ପହଞ୍ଚିଥିଲା। ଅଗ୍ନିଶମ ବାହିନୀ କର୍ମଚାରୀମାନେ ଶୀଘ୍ର ପହଞ୍ଚି ନିଆଁକୁ ନିୟନ୍ତ୍ରଣ କରିବା ପାଇଁ ପ୍ରୟାସ ଆରମ୍ଭ କରିଛନ୍ତି । ନିଆଁ ଏତେ ଜୋର ରେ ବ୍ୟାପିଛି ଯେ ଆଶଙ୍କା କରାଯାଉଛି ମୃତ୍ୟୁ ସଂଖ୍ୟା ଆହୁରି ବଢିପାରେ ।
