କେନ୍ଦ୍ରାପଡା : କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଗଙ୍ଗାରାମପୁର ପଞ୍ଚାୟତ ଭାଗଦେଇପୁର ଗାଁ’ରେ ଭୟାବହ ଅଗ୍ନିକାଣ୍ଡ ଘଟିଥିଲା । ଅଗ୍ନିକାଣ୍ଡରେ ଆଠ ବଖରା ଘର ଜଳି ପୋଡି ପାଉଁଶ ହୋଇଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚ ନିଆଁକୁ ଆୟତ୍ତ କରିଥିଲା ।
ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ ଭାଗଦେଇପୁର ଗାଁର ରବୀନ୍ଦ୍ର ଦାସ ଖାଇ ସାରି ଶୋଇବା ପାଇଁ ଯାଇଥିଲେ , କିନ୍ତୁ ହଠାତ ତାଙ୍କ ଘରେ ନିଆଁ ଲାଗିଯାଇଥିଲା । ନିଆଁର ପ୍ରକୋପ ଏତେ ଅଧିକ ଥିଲା ଯେ ରବୀନ୍ଦ୍ରଙ୍କ ପରିବାର କେବଳ ନିଜ ପିନ୍ଧା ଲୁଗା ସହିତ ଜୀବନ ବିକଳରେ ଘରୁ ବାହାରକୁ ଚାଲିଆସିଥିଲେ । ଅଗ୍ନିକାଣ୍ଡରେ ରବୀନ୍ଦ୍ରଙ୍କ ଘର ସମ୍ପୂର୍ଣ୍ଣ ପୋଡି ପାଉଁଶ ହେବା ସହିତ ଦିଗାମ୍ବର ଦାସ ଓ ସୁବାସ ଦାସଙ୍କ ଘର ସମେତ ସମସ୍ତ ଆସବା ପତ୍ର ମଧ୍ୟ ଜଳି ପୋଡି ପାଉଁଶ ହୋଇଯାଇଛି । ଖବର ପାଇ ଦମକଳ ବାହିନୀ ନିଆଁକୁ ଆୟତ କରିଥିଲା । ତେବେ ଅଗ୍ନିକାଣ୍ଡରେ ଏହି ତିନି ପରିବାରକୁକୁ ସରକାରୀ ସହାୟତା ପ୍ରଦାନ ପାଇଁ ସାଧାରଣରେ ଦାବି ହୋଇଛି ।
https://onakhabar.com/2020/01/01/farmers-are-in-problem-2/
ଭୟାବହ ଅଗ୍ନିକାଣ୍ଡରେ ଜଳିଗଲା ୮ବଖରା ଘର
