ଭଦ୍ରକ : ୧୨ ଘଣ୍ଟା ପରେ ବି ମିଳୁନି ବାପା-ଝିଅଙ୍କ ପତ୍ତା। ନଦୀ ଭିତରେ ଖୋଜାଖୋଜି ଜାରି ରଖିଛି ଅଗ୍ନିଶମ ବାହିନୀ। ଗତକାଲି ଆଖୁଆପଦା ବୈତରଣୀ ସେତୁ ଉପରୁ ଝିଅକୁ ଧରି ନଦୀକୁ ଡେଇଁ ପଡିଥିଲେ ଵାପା । ରାତି ୯ଟାରୁ ଦୁଇ ଜଣ ଡେଇଁ ପଡିଥିବାବେଳେ ଏପର୍ଯ୍ୟନ୍ତ ଖୋଜଖବର ମିଳିନି।
ଭଦ୍ରକ ଭଣ୍ଡାରିପୋଖରୀ ବାଲିପୋଖରୀ ଗାଁରେ ଏହି ଅଭାବନୀୟ ଘଟଣା ଘଟିଛି। ନିଖୋଜ ବ୍ୟକ୍ତି ଵାଲିପୋଖରୀ ପଂଚାୟତ ପରମାନନ୍ଦ ପୁର ଗାଁର ଚନ୍ଦନ ସାହୁ । ଗତକାଲି ରାତିରେ ଵାପ ଝିଅ ଦୁହେଁ ଏକ ମୋଟରସାଇକେଲ ଯୋଗେ ଗାଁରୁ ସିଧାସଳଖ ଆସି ପୋଲ ଉପରେ ରହିଥିଲେ। ସେଠାରେ ମୋଵାଇଲ, ଜୋତା ଓ ବାଇକ ରଖି ନଦୀକୁ ଡେଇଁ ପଡିଥିଲେ । ଗତ ୨ ମାସ ତଳେ ଚନ୍ଦନଙ୍କ ସ୍ତ୍ରୀଙ୍କ ମୃତ୍ୟୁ ହୋଇଥିଲା। ମାନସିକ ଭାରସାମ୍ୟ ହରାଇ ଚନ୍ଦନ ଏପରି କରିଥିବା ସୂଚନା ମିଳିଛି ।
