ମର୍ମନ୍ତୁଦ ସଡକ ଦୁର୍ଘଟଣା : ୩ ମୃତ

ନୂଆଦିଲ୍ଲୀ: କୁହୁଡ଼ି ଅଧିକ ହୋଇଥିବା ହେତୁ ରାସ୍ତା ସ୍ପଷ୍ଟ ଭାବେ ଦେଖାଯାଉ ନଥିଲା ,ତେଣୁ ଏହି ଦୁର୍ଘଟଣା ଘଟିଥିଲା । ତେବେ ଉତ୍ତରପ୍ରଦେଶର ଗୁନା ଜିଲ୍ଲାର ଜଞ୍ଜାଲ-ମଧୁସୂଦନଗଢ଼ ରାସ୍ତାରେ ଘଟିଛି ଏକ ଭୟାବହ ସଡ଼କ ଦୁର୍ଘଟଣା। ଏହି ଦୁର୍ଘଟଣାରେ ମାମୁଁ ଭଣଜାଙ୍କ ସମେତ ତିନିଜଣଙ୍କ ମୃତ୍ୟୁ ହୋଇଥିବା ଖବର ମିଳିଛି। ସୂଚନାଯୋଗ୍ୟ, ରୋହିତ ନାମକ ଯୁବକ ଅନ୍ୟ ତିନିଜଣ ସାଥୀଙ୍କ ସହିତ ମୋଟରସାଇକେଲରେ କମଲପୁରା ଗ୍ରାମକୁ ଯାଉଥିଲେ। କମଲପୁରା ଗ୍ରାମରେ ରୋହିତଙ୍କ ଶ୍ବଶୁର ଘର। ଅନ୍ୟ ମୋଟରସାଇକେଲରେ ସଞ୍ଜୁ ବଘେଲ ଅନ୍ୟ ଦୁଇଜଣଙ୍କ ସହିତ ରାଘୋଗଢ଼ ଯାଉଥି‌ଲେ। ଏହି ସମୟରେ ପିପଲଖେଡ଼ି ନିକଟରେ ଦୁଇଟି ବାଇକ ମଧ୍ୟରେ ମୁହଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ମାମୁ ସଞ୍ଜୁ ବଘେଲ ଓ ଭଣଜା ହୋକମ ବଘେଲଙ୍କ ସମେତ ରୋହିତଙ୍କ ମୃତ୍ୟୁ ହୋଇଥିବା ବେଳେ ମୋଟରସାଇକେଲରେ ଥିବା ଅନ୍ୟମାନେ ଗୁରୁତର ଆହତ ହୋଇଥିଲେ। ସମସ୍ତ ଗୁରୁତରଙ୍କୁ ଚିକିତ୍ସ। ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଦୁର୍ଘଟଣାକୁ ନେଇ ଇନ୍ସପେକ୍ଟର ଗଜେନ୍ଦ୍ର ବୁନ୍ଦେଲା କହିଛନ୍ତି, ‘କୁହୁଡ଼ି ଅଧିକ ହୋଇଥିବା ହେତୁ ରାସ୍ତା ସ୍ପଷ୍ଟ ଭାବେ ଦେଖାଯାଉ ନଥିଲା। ତେଣୁ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାରେ ତିନିଜଣଙ୍କ ମୃତ୍ୟୁ ହୋଇଯାଇଛି। ‌ମୃତ ତିନିଜଣ ଯଦି ହେଲମେଟ ପିନ୍ଧି ଥାଆନ୍ତେ ହୋଇପାରେ ସେମାନଙ୍କ ଜୀବନ ବଞ୍ଚି ଯାଇଥାଆନ୍ତା।